އަޒަރުބައިޖާން އެއާލައިންގެ ފްލައިޓެއް ކަޒަކްސްތާންގެ އަކްޓާއު ސިޓީ ކައިރިއަށް މިއަދު ވެއްޓިއްޖެ އެވެ.
ކަޒަކަސްތާނުގެ އެމަޖެންސީ މިނިސްޓްރީން ބުނީ ފްލައިޓު ވެއްޓުނު ސަރަހައްދުގައި ރެސްކިއު ޓީމުތަކުގެ އިތުރުން ކަމާ ބެހޭ ފަރާތްތަކުން ހަރަކާތްތެރިވަމުން އަންނައިރު، ސަލާމަތްވި 14 މީހުންނަށް ފަރުވާ ދިނުމަށް ހޮސްޕިޓަލަށް ވަނީ ގެންގޮސްފަ އެވެ.
"މިހާތަނަށް ފްލައިޓުން ވެއްޓުނު 14 މީހަކު ހޮސްޕިޓަލަށް ވަނީ ގެންގޮސްފައި. އޭގެ ތެރެއިން ފަސް މީހަކަށް ފަރުވާ ދެމުން އަންނަނީ އައިސީޔޫގައި،" މިނިސްޓްރީން ބުންޏެވެ.
އަޒަރުބައިޖާނުގެ ބަކޫއިން ރަޝިއާގެ ގްރޮޒްނީއަށް ދަތުރު ކުރި އެ ފްލައިޓު ދުންފުނީގެ ސަބަބުން އަނބުރާ ރީރޫޓް ކުރި އެވެ.
އެ ފްލައިޓަށް ދިމާވި މައްސަލައަކާ ގުޅިގެން ވެއްޓިފައި ވަނީ އެމަޖެންސީ ލޭންޑިންއެއް ކުރުމުގެ ތެރޭގަ އެވެ.
ރިޕޯޓްތައް ބުނާ ގޮތުން އެ ފްލައިޓުން 110 މީހުން ދަތުރު ކުރި ކަމަށް ބުނާއިރު، މިހާތަނަށް އެ އަދަދު ކަށަވަރުވެފައެއް ނުވެ އެވެ.
