ދެކުނު ހެއިޓީގައި ޓޭންކާ ޓްރަކެއް ގޮވައި 15 އަށްވުރެ ގިނަ މީހުން މަރުވެއްޖެ އެވެ.
ހެއިޓީގެ ވަގުތީ ބޮޑުވަޒީރު ގެރީ ކޯނީލް ވިދުވި ކަމަށް ބައިނަލް އަގުވާމީ މީޑިއާތަކުން ބުނީ މިހާތަނަށް ބެލި ބެލުމުން އެ ޓްރަކް ގޮވީ ޕްޓްރޯލް ލީކުވުމަށްފަހު ކަމަށެވެ.
"މި ދަނޑިވަޅުގައި އަހަރުމެން މިތިބީ މަރުވި މީހުން އާއިލާ އާއި ރައްޓެހިންނާއެކު. މިކަމާ ގުޅިގެން ދޭން ޖެހޭ އެހީތެރިކަމާއި އެއްބާރުލުން މިދަނީ ދެމުން،" ކޯނީލް ވިދާޅުވި އެވެ.
ރިޕޯޓްތައް ބުނާގޮތުން އެ ޓްރަކް ގޮވީ ޕެޓްރޯލް ލީކުވުން ހައްލު ކުރުމަށް މަސައްކަތް ކުރަމުން ދަނިކޮށެވެ. އެގޮތުން ގިނަ ބަޔަކު މަރުވީ މަސައްކަތުގައި އުޅެނިކޮށެވެ.
ހާދިސާގައި 40 އަށްވުރެ ގިނަ މީހުން ޒަހަމްވިއިރު އެ އެންމެންނަށް އަންނަނީ ހޮސްޕިޓަލުގައި ފަރުވާ ދެމުންނެވެ. އޭގެ ތެރެއިން ބައެއް މީހުންގެ ހާލު ސީރިއަސް އެވެ.
ހެއިޓީގައި 2021 ގައި ޓޭންކާ ޓްރަކެއް ސައިކަލަކާ އެކްސިޑެންޓުވެ، ގޮވައި ގިނަ އަދަދެއްގެ މީހުން މަރުވި އެވެ.
