މާލެ އާއި ހުޅުލެ ގުޅާލުމަށް އަޅާފައިވާ ސިނަމާލެ ބްރިޖުގެ މަސައްކަތް ކުރަމުންދިޔަ ބިދޭސީއަކު ރޭ މަރުވެއްޖެ އެވެ.
ފުލުހުން ބުނީ ބްރިޖުގެ މަސައްކަތް ކުރަމުންދިޔަ ބިދޭސީއަކު އަނބުރައިގަނެގެން ވެއްޓިގެން ޓްރީޓޮޕް ހޮސްޕިޓަލަށް ގެންދެވުނު ކަމަށާއި އެއީ އިންޑިއާއަށް ނިސްބަތްވާ މީހެއް ކަމަށެވެ.
ގްރައުންޑުގައި ހުއްޓާ އަނބުރާގަނެގެން ވެއްޓުނު އެ މީހާ ހޮސްޕިޓަލަށް ގެންދިޔައިރު ވެސް މަރުވެފައިވާ ކަމަށް ޓްރީޓޮޕާ ހަވާލާދީ ފުލުހުން ބުނެ އެވެ.
ސިނަމާލެ ބްރިޖުގެ މެއިންޓަނަންސް މަސައްކަތް ކުރަމުން އަންނަނީ ޗައިނާ ކޮމިއުނިކޭޝަންސް ކޮންސްޓްރަކްޝަން ކޮމްޕެނީ ސެކަންޑް ހާބާ އިންޖީނިއަރިން ކޮމްޕެނީއިންނެވެ.
ތިން އަހަރު ދުވަހުގެ އެއްބަސްވުމުގެ ދަށުން އެ ކުންފުންޏާ ހަވާލުކުރި މި މަޝްރޫއަށް ހަރަދު ކުރަނީ 3.6 މިލިއަން ޑޮލަރު ކަމަށް ކޮންސްޓްރަކްޝަން މިނިސްޓްރީން ބުނެ އެވެ.
