ރަޝިއާއިން އުޒްބެކިސްތާނުގައި ނިއުކްލިއާ ޕަވާ ޕްލާންޓެއް އަޅަން ނިންމައިފި އެވެ.
ރިޕޯޓްތައް ބުނާގޮތުން ރަޝިއާއިން އުޒްބެކިސްތާނުގައި 55 މެގަވަޓްގެ ހަ ނިއުކްލިއާ ރިއެކްޓާ ގާއިމު ކުރުމަށް ވަނީ ހަމަޖެހިފަ އެވެ.
ރަޝިއާގެ ރައީސް ލެޑިމިއާ ޕުޓިން އުޒްބެކިސްތާނަށް ކުރައްވާ ރަސްމީ ދަތުރުފުޅުގައި ވަނީ އެ ގައުމުގައި ކުރިއަށް ގެންދާ ޕްރޮޖެކްޓުތަކަށް ފައިނޭންސް ކުރުމަށް 400 މިލިއަން ޑޮލަރު ޖޮއިންޓް އިންވެސްޓްމަންޓް ފަންޑަށް ދޭނެ ކަމަށެވެ.
"ޕުޓިން އުޒްބެކިސްތާނަށް ކުރެއްވި ދަތުރުފުޅަކީ ތާރީހީ ދަތުރުފުޅެއް. މި ދަތުރުފުޅާއެކު ދެ ގައުމުގެ ގުޅުން އިތުރަށް ބަދަހިވެގެން ގޮސްފި،" އުޒްބެކިސްތާނުގެ ރައީސް ޝަވްކަޓް މިރްޒިޔޮޔެވް ބުންޏެވެ.
މިރްޒިޔޮޔެވް ވަނީ ރަޝިއާއިން ގޭސް އަދި ތެޔޮ އިތުރަށް ގަންނަން ބޭނުންވާކަމުގެ ޝައުގުވެރިކަން ފާޅުކުރައްވާފަ އެވެ.
ރަޝިއާއިން ގޭސް އެތެރެކުރަން އުޒްބެކިސްތާނުން ފެށީ މިދިޔަ އޮކްޓޫބަރު މަހު އެވެ. އެ ގައުމުން ގޭސް އުފެއްދި ނަމަވެސް، އެ ގައުމުން ބޭރުން ގޭސް އެތެރެކުރަނީ ބޭނުންވާ ވަރަށް ގޭސް ނުއުފެއްދޭތީ އެވެ.
