ޗައިނާގެ މީޑިއާތަކުން ބުނީ ގުއާންޒޯ ސިޓީގައި އާގު ބޯޓަކުން ޖެހި ހިނގި މި ހާދިސާގައި ކޯރަށް ވެއްޓުނު ދެ މީހަކު މަރުވެފައިވާއިރު، އެކަކު ނުފެނިގެން އަދިވެސް ދަނީ ހޯދަމުންނެވެ.
ހާދިސާއާ ގުޅިގެން ބްރިޖު އެއްކޮށް ހުސްކޮށްފައިވާއިރު، އާގު ބޯޓުގެ ކެޕްޓަން ވަނީ ހައްޔަރުކޮށްފައި ކަމަށްވެސް ޗައިނާގެ މީޑިއާތަކުން ބުނެ އެވެ.
ރިޕޯޓްތައް ބުނާގޮތުން އާގު ބޯޓުގެ ވެރި ފަރާތުން ވަނީ ތަހުގީގަށް ފުރިހަމަ އެއްބާރުލުން ދޭނެ ކަމަށް ބުނެފަ އެވެ.
"ހާދިސާގައި އެކަކަށް ޒަހަމްވެގެން ހޮސްޕިޓަލުގައި ދަނީ ފަރުވާ ދެމުން. އާގު ބޯޓު ދަތުރުކުރީ އެއްވެސް މުދަލަކާ ނުލައި" ޗައިނާގެ މީޑިއާތަކުން ރިޕޯޓު ކުރެ އެވެ.
ހާދިސާ ހިނގި ސަރަހައްދަކީ ވަރަށް ގިނައިން އާގު ބޯޓުތައް ދަތުރު ކުރާ ސަރަހައްދަކަށްވާއިރު، މިފަދަ ހާދިސާތައް ޗައިނާގައި މަދުން ނަމަވެސް ހިނގަ އެވެ.
މިގޮތުން ޗައިނާގެ ކަމާބެހޭ ފަރާތްތަކުން އަންނަނީ މިފަދަ ހާދިސާތައް މަދު ކުރުމަށް ބްރިޖުތަކަށް ގެންނަން ޖެހޭ ބަދަލުތައް ގެނައުމަށް މަސައްކަތް ކުރަމުންނެވެ.
