މީޑިއާނެޓު ކަސްޓަމަރުންނަށް މެދުކެނޑުމެއްނެތި މުނިފޫހިފިލުވުން ޔަގީންކުރުމުގެ މަގްސަދުގައި 2022 ގައި ތައާރަފުކުރި "އޮޓޯ ރިނިއުވަލް" ހިދުމަތަށް ރަޖިސްޓަރީ ކޮށްލައިގެން ހާއްސަ އިނާމުތަކެއް ލިބޭ ޕްރޮމޯޝަނެއް ފަށައިފި އެވެ.
އޮޓޯ ރިނިއުވަލް ހިދުމަތުގެ ދަށުން މީޑިއާނެޓުގެ ސަބްސްކްރިޕްޝަނެއް ނަގައިގެން 30 ދުވަހުގެ މުއްދަތަކަށް ޗެނަލްތަކާއި އޭގެން ދައްކާ ޕްރޮގްރާމްތައް ޓީވީ އަދި އެމްއެސް ޑިޖިޓަލް މެދުވެރިކޮށް ފޯނުން ވެސް ބަލާލެވެ އެވެ. މި ހިދުމަތުގެ ދަށުން 30 ދުވަހުގެ ސަބްސްކްރިޕްޝަން ހަމަވުމާއެކު އޮޓޯއިން ސަބްސްކްރިޕްޝަން ޖެހިގެން އަންނަ 30 ދުވަހަށް އައު ވެގެންދާނެ އެވެ.
މިއީ އާންމު ދިރިއުޅުމުގެ ހަލަބޮލިކަމުގެ ތެރޭގައި ކުރިއަށް އޮތް މަހަށް ފައިސާ ދައްކަން ހަނދާންނެތޭ ފަރާތްތަކަށް ހާއްސަ އަދި މުހިއްމު ހިދުމަތެއްކަމަށް މީޑިއާނެޓުން ބުންޏެވެ.
މީޑިއާނެޓުން މި ޕްރޮމޯޝަން ފެށީ މިދިޔަ ހޯމަ ދުވަހު އެވެ. އަދި އޭޕްރިލް 30، ގެ ނިޔަލް ޕްރޮމޯޝަން ކުރިއަށްދާނެ ކަމަށް މީޑިއާނެޓުން މައުލޫމާތުދެ އެވެ. މި މުއްދަތުގައި އޮޓޯ ރިނިއުވަލް ހިދުމަތަށް ރަޖިސްޓަރީ ކޮށްލައިގެން ގުރުއަތުން ހޮވޭ ތިން ފަރާތަކަށް ހާއްސަ އިނާމުތަކެއް ހަމަޖެހިފައިވެ އެވެ.
މީޑިއާނެޓުގެ ޕްރޮމޯޝަނުން ލިބޭ އިނާމުތައް
- ފުރަތަމަ އިނާމު: އެއް އަހަރުގެ ހިލޭ މީޑިއާނެޓު ސަބްސްކްރިޕްޝަނެއް (ވޯންޓް އިޓް އޯލް ޕެކޭޖު)
- ދެވަނަ އިނާމު: ހަ މަސް ދުވަހުގެ ހިލޭ މީޑިއާނެޓު ސަބްސްކްރިޕްޝަނެއް (ވޯންޓް އިޓް އޯލް ޕެކޭޖު)
- ތިންވަނަ އިނާމު: ތިން މަސް ދުވަހުގެ ހިލޭ މީޑިއާނެޓު ސަބްސްކްރިޕްޝަނެއް (ވޯންޓް އިޓް އޯލް ޕެކޭޖު)
މީޑިއާނެޓު އޮޓީ ރިނިއުވަލް ހިދުމަތަށް ރަޖިސްޓްރީ ކުރުން ވަރަށް ފަސޭހައެވެ. އެގޮތުން މީޑިއާނެޓުގެ ކުއިކްޕޭ ޕޯޓަލް އަށް ޒިޔާރަތްކޮށްލައިގެން އޮޓޯ ރިނިއުވަލްއަށް ރަޖިސްޓްރީ ކުރެވޭނެ އެވެ.
އޮޓޯ ރިނިއުވަލް ޕްރޮމޯޝަންގެ އިތުރުން ރޯދަ މަހާއި ދިމާކޮށް އިތުރު ޕްރޮމޯޝަންތަކެއް ފެށުމަށް ހަމަޖެހިފައިވާކަމަށް މީޑިއާނެޓުން މައުލޫމާތުދެ އެވެ.
