އަހަރު ނިންމުމުގެ ގޮތުން މީޑިއާނެޓުން ވަރަށް ހާއްސަ ޕްރޮމޯޝަނެއް ފަށައިފި އެވެ.
"އަޕްގްރޭޑް އެންޑް ވިން" ގެ ނަމުގައި މިއަދު ފެށި މި ޕްރޮމޯޝަން ކުރިއަށްދާނީ އަހަރު ނިމެންދެނެވެ.
ޕްރޮމޯޝަނުގައި މީޑިއާނެޓުގެ ހިދުމަތް ބޭނުންކުރާ ހުރިހާ ރެޒިޑެންޝަލް ކަސްޓަމަރުންނަށް ބައިވެރިވެވޭނެ އެވެ. ޕްރޮމޯޝަންގައި ބައިވެރިވެވެނީ މީޑިއާނެޓު ކަސްޓަމަރުން މިހާރު ގެންގުޅޭ ނުވަތަ އެންމެ ފަހުން އެކްޓިވްކޮށް ގެންގުޅުނު ޕެކޭޖަށްވުރެ ބޮޑު ކޮންމެ ޕެކޭޖެއް އެކްޓިވޭޓް ކޮށްގެންނެވެ.
ޕްރޮމޯޝަނުގައި ބައިވެރިވާ ފަރާތްތަކުގެ ތެރެއިން ނަސީބުވެރި ތިން ފަރާތެއް ހޮވުމަށް ވަނީ ހަމަޖެހިފައެވެ. ނަސީބުވެރިން ހޮވުމަށް ހަމަޖެހިފައިވަނީ އަންނަ ޖެނުއަރީ މަހުގެ ފުރަތަމަ ހަފުތާ ތެރޭގައެވެ. ނަސީބުވެރިންނަށް ދިނުމަށް ހަމަޖެހިފައިވާ އިނާމުތަކަކީ:
- 1 ވަނައަށް، އައިފޯން 15 ޕްރޯ
- 2 ވަނައަށް، ޓީސީއެލް ބްރޭންޑްގެ 55 އިންޗި ޓީވީ
- 3 ވަނަ އަށް، ސެމްސަންގް ސައުންޑްބާ އެއް ސަބްވޫފަރާ އެކު
މީޑިއާ ނެޓުން ބުނީ މިހިނގާ ޑިސެމްބަރު މަހަކީވެސް މީޑިއާނެޓުގެ ޗެނަލްތަކުން ތަފާތު މުނިފޫހިފިލުވުމުގެ ޕްރޮގްރާމްތަކާއި ފޯރިގަދަ މެޗުތައް އަދިވެސް އެހެނިހެން ކޮންޓެންޓް ފެނިގެންދާނެ މަހެއް ކަމަށެވެ.
އޭގެ ތެރޭގައި ދުނިޔޭގެ އެންމެ ފޯރިގަދަ ހަތަރު ފުޓުބޯޅަ ލީގުގެ މެޗުތައް އައިސް ޓީވީން ވަގުތުން ބަލާލެވޭ އިރު ދިވެހިންގެ ތެރޭގައި މަގުބޫލު ސީރީޒްތަކާއި އިންޑިއަން އައިޑަލް ފަދަ ރިއަލިޓީ ޝޯތަކުގެ އެޕިސޯޑުތަކާއި ފަހުގެ ފިލްމުތައްވެސް ހިމެނެ އެވެ. އަދި ކުޑަކުދިންނަށް ހާއްސަ ކާޓޫން ޕްރޮގްރާމްތައް "މޫންބަގް" ޗެނަލް މެދުވެރިކޮށް ފެންނާނެ ކަމަށާއި އޭގެ އިތުރުން ދީނީ ހާއްސަ ޕްރޮގްރާމްތަކެއް "ދާރިސް ޓީވީ" ޗެނަލް މެދުވެރިކޮށް މި ޑިސެމްބަރު މަހު މީޑިއާނެޓުން ދެއްކުމަށް ހަމަޖެހިފައިވާކަމަށް ބުންޏެވެ.
މީޑިއާނެޓް ޕެކޭޖެއް ނަގަން ބޭނުންވާ ފަރާތްތަކަށް ފަސޭހަ ކަމާއެކު މީޑިއާނެޓުގެ "ކުއިކް ޕޭ" ޕޯޓަލް، މެދުވެރިކޮށް އޮންލައިންކޮށް ޕެކޭޖަށް ފައިސާ ދެއްކޭނެއެވެ.
