ދިރާގު މޯލްޑިވްސް ރޯޑް ރޭސް (ޑީއެމްއާރްއާރް)ގެ ކޯޗިން ޕާޓްނަރެއް ކަމުގައިވާ އެލީޓް ރަނާސް މޯލްޑިވްސްއާއެކު ހާއްސަ ރަނިން ކްލިނިކެއް ބާއްވަން ދިރާގުން ނިންމައިފި އެވެ.
މިއަދު ހަވީރު 4:30 އިން 5:45 އަށް މާލޭ ރަނިން ޓްރެކްގައި ކުރިއަށް ގެންދަން ހަމަޖެހިފައިވާ މި ރަނިން ކްލިނިކުގައި ޑީއެމއާރްއާރްގައި ރަޖިސްޓްރީކޮށްފައިވާ ހުރިހާ ބައިވެރިންނަށް ވެސް ބައިވެރިވެވޭނެ އެވެ.
މި ކްލިނިކުން ކުރިއަށް އޮތް ދުވުމަށް ތައްޔާރުވުމަށް އެހީތެރިވެދޭނެ އިރުޝާދުތައް ބައިވެރިންނަށް ލިބިގެންދާނެއެވެ.
މި ރަނިން ކްލިނިކުގައި ޑީއެމްއާރްއާރް 2023 ގެ މެޑިކަލް ޕާޓްނަރު، ޓްރީ ޓޮޕް ހޮސްޕިޓަލްގެ ހާއްސަ ހަރަކާތެއް ވެސް ކުރިއަށްދާނެ އެވެ. އެގޮތުން ދުވުމާއި ސިއްހަތާ ގުޅޭ ގޮތުން އެ ހޮސްޕިޓަލްގެ ޑރ. އިބްރާހިމް އިޔާޒު ތަފާތު ޓިޕްސް ކިޔައިދޭނެ އެވެ.
މިއަދު އޮންނަ ހަރަކާތުގައި ބައިވެރިވާން ބޭނުންވާ ފަރާތްތަކަށް މި ލިންކް މެދުވެރިކޮށް ރަޖިސްޓްރީ ކުރެވޭނެ އެވެ.
4000 އަށް ވުރެ ގިނަ ދުވުންތެރިންނާއެކު މި އަހަރުގެ ރޯޑް ރޭސް ކުރިއަށްދާނީ އޮކްޓޫބަރު 27، ގައި ހުޅުމާލެ ސެންޓްރަލް ޕާކްގަ އެވެ.
ޑީއެމްއާރްއާރްއާ ބެހޭ އިތުރު މައުލޫމާތު މި ލިންކުން ލިބޭނެ އެވެ.
