މާލެ އަތޮޅު ކަނޑުމަތިން މީހަކު މަރުވެފައި އޮއްވާ ފެނިއްޖެ އެވެ.
ފުލުހުން ބުނި ގޮތުގައި އެ މީހާގެ ހަށިގަނޑު ފެނިފައިވަނީ މާލެ އަތޮޅު ދޫނިދޫއާއި ފުނަދޫ (ތެޔޮ ފުނަދޫ) ދެމެދު ކަނޑުމަތިންނެވެ.
ފުލުހުން އިތުރު ތަފްސީލެއް އަދި ނުދޭތީ، އެއީ ދިވެއްސެއް ކަމެއް ނުވަތަ ބިދޭސީއެއް ކަމެއް ސާފެއް ނުވެ އެވެ. އެމީހާގެ ހަށިގަނޑު ކަނޑުގައި އޮތް މަންޒަރު ފެންނަ ވީޑިއޯއެއް ބަޔަކު ވަނީ ސޯޝަލް މީޑިއާގައި އާއްމުކޮށްފަ އެވެ. އެ ވީޑިއޯއިން ފެންނަ ގޮތުގައި ހަށިގަނޑު އޮތީ ވަރަށް ތާޒާކޮށެވެ.
މީހަކު މަރުވެފައި އޮއްވާ ކަނޑުމަތިން މިއަދު ފެނުނުއިރު، މީގެ އދ. ދަނގެތިން ކުޑަ އިންޖީނު ދޯންޏެއްގައި މިދިޔަ ހޮނިހިރު ދުވަހު ފަތިހު މަހަށް ނިކުމެގެން އުޅެނިކޮށް މީހަކު ގެއްލިފައި ވެސް ވެ އެވެ.
ކަނޑުމަތީގެ މިފަދަ ހާދިސާތައް މޫސުން ގޯސް ދުވަސްވަރު އަބަދުވެސް ހިނގަ އެވެ. މޫސުމަށް ސަމާލު ވުމަށް ކަމާ ބެހޭ ފަރާތްތަކުން އަންގަ އެވެ.
