ރަނިންމޭޓުކަން ގަބޫލުކުރީ ޔާމީންގެ ސިޔާސަތު މުއިއްޒު ތަންފީޒުކުރައްވާނެތީ: ހުސައިން

ކުޅުދުއްފުށީގައި ރޭ ބޭއްވި ޖަލްސާގައި މުއިއްޒުގެ ރަނިންމޭޓު ހުސައިން މުހައްމަދު ލަތީފު ވާހަކަ ދައްކަވަނީ. -- ފޮޓޯ: ޕީޕީއެމް

ކުޅުދުއްފުށީގައި ރޭ ބޭއްވި ޖަލްސާގައި މުއިއްޒުގެ ރަނިންމޭޓު ހުސައިން މުހައްމަދު ލަތީފު ވާހަކަ ދައްކަވަނީ. -- ފޮޓޯ: ޕީޕީއެމް

ޕީއެންސީގެ ރިޔާސީ ކެންޑިޑޭޓު ޑރ. މުހައްމަދު މުއިއްޒުގެ ރަނިންމޭޓުކަން ގަބޫލުރެއްވީ، އޭނާގެ ވެރިކަމެއްގައި ވެސް ކުރީގެ ރައީސް އަބްދުﷲ ޔާމީންގެ ސިޔާސަތު ތަންފީޒުކުރުމުގައި މުއިއްޒު ފަހަތަށް ޖެހިވަޑައިނުގަންނަވާނެތީ ކަމަށް، ފަރެސްމާތޮޑާ ދާއިރާގެ މެމްބަރު ހުސައިން މުހައްމަދު ލަތީފު ވިދާޅުވެއްޖެ އެވެ.

އުތުރަށް ކުރައްވާ ކެމްޕޭނު ދަތުރުގައި ރޭ ކުޅުދުއްފުށީގައި ބޭއްވި ޖަލްސާގައި "ރައީސް ޔާމީންގެ ކެންޑިޑޭޓު"ގެ ގޮތުގައި މުއިއްޒު ތައާރަފުކޮށް ދެއްވުމަށް ފަހު ހުސައިން ވިދާޅުވީ ފުރިހަމަ އަށް މުއިއްޒަށް އިތުބާރު ކުރައްވާ ކަމަށެވެ.

"އަޅުގަނޑު އެ މަނިކުފާނަށް އިތުބާރު ކުރަނީ ރައީސް ޔާމީންގެ ސިޔާސަތު ތަންފީޒުކުރުމުގައި އެ މަނިކުފާނު ފަހަތަށް ޖެހިވަޑައިނުގަންނަވާނެތީވެ. އެ މަނިކުފާނު ރައީސް ޔާމީނަށް އިހުލާސްތެރިވާނެތީވެ. ތެދު ބަހުން ވާހަކަ ދައްކަން ކެރޭނެތީވެ. ޖެހިލުމެއް ނުވެ ރައްޔިތުންގެ ހައްގު ހޯދަ ދޭން މަސައްކަތް ކުރައްވާނެތީވެ،" ހުސައިން ވިދާޅުވި އެވެ.

"[އެހެންވެ] ރައީސް ޔާމީންގެ އިރުޝާދާ އެއްކޮށް [މުއިއްޒުގެ] ރަނިންމޭޓަކަށް އަޅުގަނޑަށް ދައުވަތު ދެއްވީތީވެ އެ މަނިކުފާނަށް ޝުކުރު ދައްނަވައި އެކަން ބަލައިގަތީމު."

މުއިއްޒަކީ ޔާމީންގެ އުމްރާނީ ތަރައްގީގެ އެންމެ ބޮޑު އެއް ހިއްސާދާރު އަދި އެންމެ ބޮޑު ބައިވެރިޔާ ކަމަށް ހުސައިން ސިފަކުރެއްވި އެވެ. ޔާމީންގެ ވެރިކަމުގައި ހިންގި ބިޔަ ޕްރޮޖެކްޓުތައް ހައުސިން މިނިސްޓަރުގެ ހައިސިއްޔަތުން ވިލަރެސް ކުރެއްވީ މުއިއްޒެވެ.

އިހުލާސްތެރިވާނެ ކަމަށް ހުސައިން ވިދާޅުވި ލިސްޓުގައި ވެސް އެންމެ ކުރީގައި އޮތީ ޔާމީންގެ ނަމެވެ.

"އަޅުގަނޑު ހަމަ ޔަގީނުން ވެސް ރައީސް ޔާމީނާއި ޑރ. މުއިއްޒަށް އިހުލާސްތެރިވެ، ދިވެހި ރައްޔިތުންނަށް އިހުލާސްތެރި މީހެއްގެ ގޮތުގައި ދެމި ހުންނާނަން،" ރައީސް ޔާމީނާ ވަރަށް ގާތް ގުޅުމެއް އޮންނަ ހުސައިން ވިދާޅުވި އެވެ.

ޔާމީން ސިޔާސީ މައިދާނުގައި ހަރަކާތްތެރިވާ މަންޒަރު ދެކެވަޑައިގަތުމަށް ބޭނުންވާ ކަމަށް ވެސް އޭނާ ވިދާޅުވި އެވެ.

މިއީ އަނިޔާވެރި ސަރުކާރެއްގެ ގޮތުގައި ހުސައިން ސިފަ ކުރެއްވުމަށް ފަހު ގޮވާލެއްވީ ޔާމީން މިނިވަން ކުރުމަށެވެ. އަދި މައްސަލަތައް ހައްލުކުރަން ޒުވާނުން ތެދުވުމަށް އޭނާ ގޮވާލެއްވި އެވެ.

ޔާމީން 11 އަހަރަށް ޖަލަށް ލާފައިވަނީ އެމްއެމްޕީއާރުސީން ދޫކުރި ވ. އާރަށުގެ މުއާމަލާތުގައި ހިޔާނާތާއި މަނީ ލޯންޑަކުރިކަން ޔާމީންގެ މައްޗަށް ސާބިތުވެގެންނެވެ. އެ މައްސަލަ ހައިކޯޓުގައި ވަނީ އިސްތިއުނާފު ކޮށްފަ އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox