ފުޓުބޯޅައިގެ އެންމެ ވަރުގަދަ ހަތަރު ލީގު ކަމުގައިވާ އިނގިރޭސި ޕްރިމިއާ ލީގާއި ސްޕެނިޝް ލަލީގާގެ އިތުރުން އިޓާލިއަން ސެރީ އާ އަދި ފުރެންޗް ލީގް އެކެއްގެ މެޗުތައް މީޑިއާނެޓު މެދުވެރިކޮށް އައިސް ނެޓްވޯކުގެ ގެ ޗެނަލްތަކުން މިހާރު ބަލާލެވޭނެ އެވެ.
ރޭ ސްޕެނިޝް ލަލީގާ، އިނގިރޭސި ޕްރިމިއަރ ލީގު އަދި ފްރެންޗް ލީގު 1, ގެ މެޗުތައް ފަށާފައިވާއިރު، އިޓާލިއަން ސެރީ އޮގަސްޓު 19، ގައި ފަށާނެ އެވެ.
އެ ލީގު ތަކުގެ ހުރިހާ މެޗެއް މީޑިއާނެޓުން އައިސް ނެޓްވޯކުގެ ޗެނަލްތަކުން ގެނެސްދޭއިރު މީޑިއާނެޓަކީ މުޅި ސައުތު އޭޝިޔާގައިވެސް ހަތަރު ލީގު އެއް ނެޓްވޯކަކުން ރީ ބްރޯޑްކާސްޓަރ ކުރާ ހަމައެކަނި ކުންފުންޏެވެ.
މީޑިއާ ނެޓުން ބުނީ ކޮންމެ އަހަރަކުވެސް ގޭގެ ސިޓިންގް ރޫމާއި، ސައި ހޮޓާތައް އަދި ފޯނު މެދުވެރިކޮށް ވަގުތުން މި މެޗުތައް ބެލޭނެ ފުރުސަތު ފަސޭހަކަމާއެކު ދިވެހިންނަށް ފޯރުކޮށްދިނުމަށް އެ ކުންފުނިން ކުރިއާލާ ތައްޔާރުވެ ގިނަ މަސައްކަތެއް ކުރަމުން އަންނަކަމަށެވެ.
ދިވެހިރާއްޖޭގައި ލީގު ފުޓުބޯޅައިގެ މެޗުތަކާއި ވަކި ވަކި ޓީމުތައް އަދި މަޝްހޫރު ހުނަރުވެރި ކުޅުންތެރިންގެ ކުޅުން ވަގުތުން ބަލާލުމަށް އޮތް ޝައުގުވެރިކަމާއި ފޯރި އަންދާޒާ ކުރެވުމީ އެ ކުންފުނިން ފުޓުބޯޅައަށް ހާއްސަ އިސްކަމެއްދޭ އެއް ސަބަބުކަމަށް މީޑިއާނެޓުން ބުނެ އެވެ.
ދުނިޔޭގެ އެންމެ ނަން ހިނގާ މި ހަތަރު ލީގުގެ މެޗުތަކުގެ އިތުރުން މިހާރު ކުރިއަށްދާ ފީފާ ވިމެންސް ވޯލްޑްކަޕް އާއި ކުލަބް މޯލްޑިވްސް ފުޓްސަލް މުބާރާތުގެ ހުރިހާ މެޗެއްވެސް މީޑިއާނެޓް މެދުވެރިކޮށް އައިސްގެ ޗެނަލްތަކުން ބަލާލެވޭނެ އެވެ.
މީގެ އިތުރުން ބުންޑެސް ލީގާއި ޔުއެފާ ޗެމްޕިއަންސް ލީގް، ޔޫރޮޕާ ލީގް އަދި އެފް އޭ ކަޕް ގެ މެޗުތައްވެސް މީޑިއާނެޓްގެ ކަސްޓަމަރުންނަށް ޓީވީ އިންނާއި ފޯނުގެ ޒަރިއްޔާއިން ކޮންމެ ވަގުތަކު އަދި ކޮންމެ ތާކު ހުރެގެންވެސް ބަލާލެވޭނެކަމުގެ ޔަގީންކަން އެ ކުންފުނިންދެ އެވެ.
