ގްރީން ފަންޑު އެއް ބިލިއަން ރުފިޔާއަށް ބޮޑުވެއްޖެ

ދިވެހި ރުއްތަކެއް: ރުކުގެ އާ ޖީލެއް ބިނާކުރަން ހިންގާ ޕްރޮޖެކްޓަށް ފަނޑުކުރަނީ ގްރީން ފަންޑުން -- ފޮޓޯ/އާއިމް ޒަމީރު

ދިވެހި ރުއްތަކެއް: ރުކުގެ އާ ޖީލެއް ބިނާކުރަން ހިންގާ ޕްރޮޖެކްޓަށް ފަނޑުކުރަނީ ގްރީން ފަންޑުން -- ފޮޓޯ/އާއިމް ޒަމީރު

ޓޫރިސްޓުން އަތުން ނަގާ ގްރީން ޓެކްސް ޖަމާކުރާ ގްރީން ފަންޑު އެއް ބިލިއަން ރުފިޔާއަށް ބޮޑުވެއްޖެ ކަމަށް ފިނޭންސް މިނިސްޓްރީގެ ތަފާސްހިސާބުތަކުން ދައްކައިފި އެވެ.

ފިނޭންސުން އެންމެ ފަހުން އާންމުކުރި ގްރީން ފަންޑު ރިޕޯޓުގައިވާ ގޮތުގައި، ޖޫން މަހުގެ ނިޔަލަށް ގްރީން ފަންޑުގައި 1.01 ބިލިއަން ރުފިޔާ އެބަހުއްޓެވެ. މިއީ 2018 ވަނަ އަހަރު ކުރީގެ ރައީސް އަބްދުﷲ ޔާމީންގެ ރިޔާސީ ގަރާރަކުން އުފެއްދި މި ފަންޑު އެއް ބިލިއަން ރުފިޔާއަށް ބޮޑުވީ ފުރަތަމަ ފަހަރެެވެ.

ގްރީން ފަންޑުގެ އުސްއަލިތައް

  • މި އަހަރު ފެށުނުއިރު ހުރީ 774 މިލިއަން ރުފިޔާ
  • ޖެނުއަރީ-ޖޫން ގްރީން ޓެކްސްގެ ގޮތުގައި 526.3 މިލިއަން ރުފިޔާ ލިބިފައިވޭ
  • އޭގެ ތެރެއިން ހަރަދުކުރީ 287.7 މިލިއަން ރުފިޔާ
  • އަހަރު ދެބައިވިއިރު ގްރީން ފަންޑަށް 238.5 މިލިއަން ރުފިޔާ އިތުރުވެފައިވޭ

ގްރީން ޓެކްސްގެ ގޮތުގައި މި އަހަރު އެންމެ ބޮޑު އާމްދަނީއެއް ލިބުނީ މާޗު އަދި ޖެނުއަރީގަ އެވެ. އެ ދެ މަހުގެ އާމްދަނީ އުޅެނީ 100 މިލިއަން ރުފިޔާއަށް ވުރެ މަތީގަ އެވެ.

މިއީ ރާއްޖެ އަންނަ ކޮންމެ ޓޫރިސްޓެއްގެ އަތުން ހުންނަ ކޮންމެ ރެއަކަށް ނަގާ ޓެކުހެއް ކަމުން، މި އަދަދުތައް ސީދާ ގޮތުން ގުޅެނީ ޓޫރިސްޓުން އަންނަ އަދަދާއި ހޭދަކުރާ މުއްދަތަށެވެ.

ގްރީން ޓެކްސް ނަގަނީ:

  • ރިސޯޓުތަކާއި ހޮޓާތަކާއި ސަފާރީތަކުން - ބޮލަކަށް ކޮންމެ ރެއަކަށް 6 ޑޮލަރު
  • ގެސްޓުހައުސްތައް - 3 ޑޮލަރު

ސަރުކާރުން މި ފަނޑުގެ ބޭނުން މައިގަނޑު ގޮތެއްގައި ހިފަމުން އަންނަނީ ފެނާއި ނަރުދަމާގެ މަޝްރޫއުތަކާއި ކުނި މެނޭޖުކުރުމުގެ މަޝްރޫއުތަކުގެ އިތުރުން ގޮނޑޮދޮށް ހިމާޔަތްކުރުމުގެ މަޝްރޫއުތަކަށެވެ. އޭގެ އިތުރުން، ދިވެހި ރުކުގެ އާ ޖީލެއް ބިނާކުރަން ހިންގާ މަޝްރޫއަށް ވެސް މި ފަންޑުން އަންނަނީ ހަރަދުކުރަމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox