ވަގަށް ނަގާފައިވާ 356،000 ރުފިޔާގެ މުދާ ފުލުހުން އަތުލައިގެންފި އެވެ.
އެ ތަކެތި ހޯދީ ފުލުހުން ބުނި ގޮތުގައި ހުޅުމާލޭ ފޭސް އެކެއްގެ ޕޮލިސް ސްޓޭޝަނަށް ހުށަހެޅުނު ވައްކަމުގެ މައްސަލަތަކަކާ ގުޅިގެންނެވެ. ހޯދި ބައެއް ތަކެތި އެ ތަކެތީގެ ވެރިފަރާތްތަކާ މިހާރު ހަވާލުކޮށްފައިވާކަމަށް ވެސް ފުލުހުން ބުންޏެވެ.
އެ މައްސަލަތައް ހުށަހަޅާފައި ވަނީ މިއަހަރުގެ މެއި އަދި ޖޫން މަހު އެވެ.
ފުލުހުން ބުނީ މި މައްސަލަތަކާ ގުޅިގެން ކުރިއަށް ގެންދިޔަ އޮޕަރޭޝަނުގައި ހޯދި ތަކެތީގެ ތެރޭގައި މޯބައިލް ފޯނާއި، އިލެކްޓްރޯނިކްސް ސާމާނާއި ސައިކަލުގެ އިތުރުން ފައިސާއާއި އެހެނިހެން ތަކެތި ހިމެނޭ ކަމަށެވެ. އެތަކެތީގެ އަގު ޖުމްލަ 356،000.ރ ައަށް އަރަ އެވެ.
މި މައްސަލަތަކާ ގުޅިގެން އެއްވެސް މީހަކު ހައްޔަރުކުރިކަމެއް ފުލުހުން ހަމާއެއް ނުކުރެ އެވެ.
