ޗައިނާގެ މިލިޓަރީ ޕައިލެޓުން އެމެރިކާގެ ކުންފުނިތަކުން ތަމްރީނު ކުރުން ހުއްޓުވުމަށް އަމާޒުކޮށް ހާއްސަ ފިޔަވަޅުތަކެއް އެ ގައުމުން އަޅައިފި އެވެ.
ރައީސް ޖޯ ބައިޑެންގެ ސަރުކާރުން ވަނީ މިފަދަ 43 ކުންފުންޏެއް އެކްސްޕޯޓު ކޮންޓްރޯލް ލިސްޓުގައި ހިމަނާފަ އެވެ. އެހެންކަމުން, ޗައިނާއަށް ދެމުންދާ ހިދުމަތްތައް މި ކުންފުނިތަކުން ހުއްޓާލަން ޖެހޭނެ އެވެ. އޭގެ ތެރޭގައި އެމެރިކާގައި ވިޔަފާރިކުރާ ޗައިނާގެ 31 ކުންފުނި ވެސް ހިމެނެ އެވެ.
އޭގެ އިތުރުން, އެމެރިކާގެ ގައުމީ ސަލާމަތަށް ނުރައްކާވާ އެހެން ކަންކަމާ ގުޅޭގޮތުން ވެސް ވަނީ ފިޔަވަޅުތަކެއް އަޅާފަ އެވެ. ކޮމާސް ޑިޕާޓުމެންޓުން ފިޔަވަޅު އެޅި އެއްވެސް ކުންފުންޏަކުން މިހާތަނަށް އެއްވެސް ބަހެއް ބުނެފައި ނުވެ އެވެ.
ހަމައެހެންމެ, އެމެރިކާގައި އުފައްދާ ހައިޕާ ސޮނިކް ޓެކްނޮލޮޖީގެ އުފެއްދުންތައް ޗައިނާގެ އަސްކަރިއްޔާއަށް ފޯރުކޮށްދިން ކުންފުނިތަކެއް ވެސް ވަނީ އެ ލިސްޓުގައި ހިމަނާފަ އެވެ.
މިއީ އަސްކަރިއްޔާ ތަރައްގީ ކުރުމުގައި ޗައިނާއިން އެމެރިކާގެ ޑިފެންސް ޓެކްނޮލޮޖީތައް ބޭނުންކުރުން ހުއްޓުވުމަށް އަމާޒުކޮށް އަޅާފައިވާ ފިޔަވަޅުތަކެކެވެ.
އެމެރިކާގެ ކޮމާސް ޑިޕާޓުމެންޓުން ވަނީ ޕާކިސްތާނުން ކުރިއަށްގެންދާ ބެލިސްޓިކް މިސައިލް ޕްރޮގްރާމާއި ހަތިޔާރު އުފެއްދުމުގެ ޕްރޮގްރާމްތަކަށް އެހީވަމުންދާ ކުންފުނިތައް ވެސް ލިސްޓުގައި ހިމަނާފަ އެވެ.
