ރޯދަ މަސް ނޫނަސް އާންމުކޮށް ހިންގާ އެކި ޕުރޮމޯޝަންތައް ބައްޓަން ކޮށްފައި ހުންނަނީ ވިޔަފާރި ކުރާ ފަރާތަށް ކުޑަ ފައިދާއެއް ލާފައި، ވިޔަފާރި ހިންގާ ފަރާތަށް ބޮޑެތި މަންފާތަކެއް ލިބޭ ގޮތަށެވެ.
އެހެންނަމަވެސް ލިޓަސްއިން މި ރަމަޟާން މަހަށް ހާއްސަކޮށް ފެށި ޕުރޮމޯޝަނުން ފެންނަނީ މުޅީން އެހެން މަންޒަރެކެވެ. ކުންފުނީގެ ފައިދާއިން ސޮދަގާތް ކުރުމުގެ އިތުރުން، ލޭ ހަދިޔާކުރާ ފަރާތްތަކަށް ވެސް ޑިސްކައުންޓު ލިބެ އެވެ.
ލިޓަސް އޮޓޯމޯބިލްސްއިން މި ރޯދަމަހަށް ހާއްސަކޮށް ފެށި ޕްރޮމޯޝަނުގައި ސައިކަލް ގަންނަ ފަރާތްތަކަށް 12000ރ. އާ ހަމައަށް ޑިސްކައުންޓު ލިބެ އެވެ. އަދިކުރާ ކޮންމެ ވިޔަފާރިއަކުން އެއް ޕަސެންޓު ބޭނުންޖެހިފައިވާ ފަރާތްތަކަށް ސޮދަގާތް ކުރާނެ އެވެ. އެ ސޮދަގާތް ކުރުމަށް ހަމަޖެހިފައި ވަނީ އެ ވިޔަފާރިއެއް ކުރާ ކަސްޓަމަރުގެ ނަމުގަ އެވެ.
ޕްރޮމޯޝަންގެ މުއްދަތުގައި ލޭ ހަދިޔާކުރުމަށް ފަހު ލިޓަސްއިން ކުރާ ކޮންމެ ވިޔަފާރިއަކުން 700ރ. ގެ ޑިސްކައުންޓެއް ލިބެ އެވެ.
މިފަދަ ތަފާތު ގޮތަކަށް ޕްރޮމޯޝަން ފެށީ މި ރަމަޟާން މަހު، ސޮދަގާތް ކުރުމާއި މުޖުތަމައުގައި އެކަކު އަނެކަކަށް އެހީތެރިވެދިނުމުގެ މުހިންމުކަން ހަނދާން ކޮށްދީ އެކަމަށް ބާރު އެޅުމުގެ ގޮތުން ކަަމަށް ލިޓަސް އިން ބުނެ އެވެ.
ފާއިތުވި އަހަރުތަކުގައި ލިޓަސް ފާހަގަވެގެން ގޮސްފައި ވަނީ މުޖުތަމައުގެ މަންފާއާއި ލާބައަށްޓަކައި ގެންނަން ޖެހޭ ބަދަލުތައް ގެނައުމުގައި މުހިންމު ދައުރެއް އަދާ ކުރާ ކުންފުންޏެއްގެ ގޮތުގަ އެވެ.
"ކުންފުންޏެއްގެ ގޮތުގައި އަހަރުމެން އަބަދުވެސް މަސައްކަތް ކުރަނީ މުޖުތަމައުއަށް ހެޔޮ ބަދަލެއް ގެންނަން، އަހަރުމެން ގަބޫލު ކުރަނީ މި ޕްރޮމޯޝަން މެދުވެރިކޮށް މުޖުތަމައުއަށް ފައިދާ ހުރި ކަންކަން ކުރުމަށް އަހަރުމެންގެ ކަސްޓަމަރުންނަށް ބާރު އަޅައި ހިތްވަރު ދެވޭނެ ކަމަށް،" ލިޓަސްގެ ޑިރެކްޓާ އޮފް ސޭލްސް އެންޑު މާކެޓިން، އާސިފް ރަޝީދު ވިދަޅުި އެވެ.
ރޯދަ މަހުގެ ނިޔަލަށް ކުރިއަށްދާ އެ ޕްރޮމޯޝަނުގައި ލިޓަސްގެ ކޮންމެ ޝޯ ރޫމަކުން ވެސް އެ ހުރިހާ ޑިސްކައުންޓުތަކެއް ލިބޭނެ އެވެ.
