މިއަހަރުގެ ރޯދަ މަހަށް ހާއްސަކޮށްގެން ދިރާގުގެ ކަސްޓަމަރުންނަށް ކޮންމެ ހަފްތާއަކުވެސް "ބޮޑު ހަދިޔާ" އެއް ދިނުމަށް ނިންމާފައިވާކަން ދިރާގުން ހާމަކޮށްފި އެވެ.
އެ ކުންފުނިން ބުނީ ޕްރީޕެއިޑް، ޕޯސްޓްޕެއިޑް، މޯބައިލް ބްރޯޑްބޭންޑް އަދި ފައިބާ ބްރޯޑްބޭންޑް ގެންގުޅުއްވާ އެކްޓިވް ކަސްޓަމަރުންގެ ތެރެއިން ގުރުއަތުން ހޮވޭ ހަތަރު މީހުންނަށް "މައިޑިއާ" ބްރޭންޑުގެ އަގުހުރި ހޯމް އެޕްލައިންސް ޕެކެއް ލިބުމުގެ ފުރުސަތު އޮތް ކަމަށެވެ.
މި ޕެކްގެ ތެރޭގައި ފުލީ އޮޓޮމެޓިކް ދޮންނަ މެޝިން، ހަތަރު ދޮރު ލީ އައިސް އަލަމާރި، ޑިޝްވޮޝަރ، އަވަން، މައިކްރޮވޭވް، އެއަރ ޕިއުރިފަޔަރު އަދި ވެކިއުމް ކްލީނަރު ފަދަ ގޭތެރޭއަށް ބޭނުންވާ އިތުރުން އެހެނިހެން ސާމާނުވެސް ހިމެނޭނެ ކަމަށް ދިރާގުން ބުނެ އެވެ.
އޭގެ އިތުރުން ބޯނަސް މެގަ ހަދިޔާގެ ނަމުގައި ދިރާގުގެ ހުރިހާ އެކްޓިވް ޕްރީޕެއިޑް، ޕޯސްޓްޕެއިޑް، މޮބައިލް ބްރޯޑްބޭންޑް އަދި ފައިބަރ ބްރޯޑްބޭންޑް ކަސްޓަމަރުންގެ ތެރެއިން ނަސީބުވެރި އެއް ފަރާތަކަށް ދެމީހެއްގެ އުމުރާ ދަތުރެއް ދިނުމަށް ވެސް އެކުންފިނިން ވަނީ ނިންމާފަ އެވެ.
ދިރާގުން ކޮންމެ އަހަރަކުވެސް ރޯދައާ ދިމާކޮށް ދަނީ ކަސްޓަމަރުންނަށް ހާއްސަ އާ އޮފާތައް ގެނެސްދެމުންނެވެ. އަދި، މި ރޯދަ މަހަކީ ހުރިހާ ކަސްޓަމަރުންނަށް ބަރަކާތްތެރި މައްސަރަކަށްވުމަށް ވެސް އެކުންފުނިން ވަނީ އެދިފަ އެވެ.
