މި ރަމަޟާން މަހުގެ ކޮންމެ ހުކުރު ދުވަހެއްގައި އުރީދޫ މޯލްޑިވްސް އިން ދޭން ނިންމާފައިވާ "ކޮމިއުނިޓީ އިފްތާރް" އަށް ބޮޑު ތަރުހީބެއް ލިބިގެން ކުރިޔަށް އެއްބަ ދެއެވެ.
ކޮމިއުނިޓީ އިފްތާރު ޕްރޮގްރާމްގެ ދަށުން ހުކުރު ދުވަހު ވަނީ މާލޭގައި ބޮޑު ރޯދަވީއްލުމެއް ބާއްވާފަ އެވެ. އެެ ރޯދަވީއްލުން އޮތީ ސަލްމާން މިސްކިތުގެ ގޯތިތެރޭގަ އެވެ. ގިނަ އަދަދެއްގެ ބަޔަކަށް އެއްފަހަރާ ބައިވެރިވެވޭ ގޮތަށް ބޭއްވި އެ ރޯދަވީއްލުމަށް ކާބޯތަކެތި ފޯރުކޮށްދިނީ ލެސޫކް ރެސްޓޯރެންޓުން ކަމަށް އުރީދޫ އިން ބުންޏެވެ.
އުރީދޫއިން އާންމުންނަށް ދޭ އެ ރޯދަވީއްލުންތައް ކުރިޔަށް ގެންދާނީ އިސްލާމިކް މިނިސްޓްރީއާ ގުޅިގެންނެވެ. ރޯދަވީއްލުމުގެ އިތުރުން އުރީދޫއިން ވަނީ މި ރޯދަމަހު މިޝަން ފޯ މައިގްރެންޓް ވޯކާސްގެ ނަމުގައި އެމްފައިސާ މެދުވެރިކޮށް މާލެ ސަރަހައްދުގައި ދިރިއުޅޭ ބިދޭސީންނަށް މީލްޕެކް ހަދިޔާކުރުމުގެ ޕްރޮގްރާމެއްވެސް ފަށާފަ އެވެ.
އަދި އީކޮމާސް ޕްލެޓްފޯމް މޫލީ އާއި ހޮރައިޒަން ފިޝަރީޒް ގުޅިގެން ރާއްޖޭގެ މަޝްހޫރު ޓޫނާ ބްރޭންޑެއް ކަމަށްވާ މާންދޫ މަހުގެ އުފެއްދުންތައް ހިމެނޭ ބަންޑަލްޑް ހަދިޔާ ޕެކްތަކެއް ކަސްޓަމަރުންނަށް ފަސޭހަކަމާއެކު މޫލީ ޕްލެޓްފޯމުން ލިބޭނެ އިންތިޒާމްތައް ވެސް އުރީދޫ އިން ވަނީ ހަމަޖައްސާފަ އެވެ.
