ސްވިޑަންގެ ޑެންމާކްގައި ގުރުއާން އެންދުން ދިވެހި ސަރުކާރުން އެކަން ކުށްވެރިކޮށްފި އެވެ.
ޑެންމާކްގައި ގުރުއާން އަންދާފައިވަނީ ސްވިޑަންގެ ހަރުކަށި ކަނާތު ފިޔައިގެ ޕާޓީއެއް ކަމަށްވާ ސްޓްރޭމް ކުރުސްގެ ލީޑަރު ލީޑަރު ރަސްމުސް ޕަލުދަމް އެވެ.
ފޮރިން މިނިސްޓްރީން ނެރުނު ބަޔާނެއްގައި ވަނީ މިއީ ދުނިޔޭގެ އެކި ކަންކޮޅުތަކުގައި ތިބި އެތައް މިލިއަން މުސްލިމުންގެ ދީނީ އިހުސާސްތަކަށް ދިން ގެއްލުމެއް ކަމަށެވެ. ހިޔާލުފާޅުކުރުމުގެ މިނިވަންކަމާ، މި ނިކަމެތި އަދި އިހާނެތި އަމަލު ތަކުރާރުވުމަކީ، ހަމައެކަނި ގުޅިފައިވާ ކަމެއް ނޫން ކަމަށްވެސް މިނިސްޓްރީން ނެރުނު ބަޔާނުގައިވެ އެވެ.
އިސްލާމްދީނަށް ފުރައްސާރަކުރުމުގެ މި ބިރުވެރި އަމަލުތަކުގެ ސަބަބުން ޓޮލަރެންސްގެ އަސާސްތައް ދެމެހެއްޓުމަށާއި ދުނިޔޭގެ އެކި ކަންކޮޅުތަކުގައި އިސްލާމްދީނަށް ފުރައްސާރަކުރުން އިތުރުވެ، ސުލްހަމަސަލަސްކަމާއި އެއްބައިވަންތަކަމާއި އެއްބައިވަންތަކަމުގެ އުސޫލުތަކަށް ބޮޑު ނުރައްކަލެއް ކުރިމަތިވެފައިވާ ކަމެއް ކަމަށް ވެސް ފޮރިން މިނިސްޓްރީގެ ބަޔާނުގައިވެ އެވެ.
ޑެންމާކުގެ ކޯޕަންހޭގަންގައި، ސްވިޑަންގެ ހަރުކަށި ފިކުރުގެ ސިޔާސީ ޕާޓީއަކުން ކީރިތި ގުރުއާނަށް ފުރައްސާރަކޮށް ގުރްއާނުގެ ކޮޕީއެއް އަންދާލި މައްސަލަ ސަރުކާރުން ކުށްވެރިކުރިއިރު ދާދިފަހުން ޔޫރަޕްގެ ގައުމެއްކަމަށްވާ ސްވިޑެންގެ ހަރުކަށި ސިޔާސީ ފަރާތެއްކަމަށްވާ ރަސްމުސް ޕަލުޑެން، މުޞްޙަފެއްގައި ރޯކޮށްލައި މުސްލިމުންނަށް ފުރައްސާރަކޮށް ހިންގި އަމަލުވެސް ދިވެހި ސަރުކާރުން ވަނީ ކުށްވެރިކޮށްފަ އެވެ.
ސްވިޑެންގެ ސަރުކާރާއި ފުލުހުންގެ ފުރިހަމަ ތާއިދާއެކު އިސްލާމް ދީނާއި މުސްލިމު އުންމަތަށް ފުރައްސާރަކުރުމުގެ ނިޔަތުގައި މިފަދަ މުޒާހަރާއެއް ބާއްވަން ހުއްދަ ދިނުމުން ސްވިޑެންގެ ސަރުކާރަށް ވަނީ ބޮޑެތި ފާޑުކިޔުންތަކެއް އަމާޒުވެފަ އެވެ.
