ކޮންމެ އާ ކަނެކްޝަނަކާ އެކު ޑީކޯޑަރަކާ އެކު އެއް މަހުގެ ފުލް ޕެކޭޖު މުޅިން ހިލޭ ލިބޭ ޕްރޮމޯޝަނެއް މީޑިއާ ނެޓުން ފަށައިފި އެވެ.
ފެށޭ މަހުގެ 16 ވަނަ ދުވަހުގެ ނިޔަލަށް ކުރިއަށް ގެންދިއުމަށް ހަމަޖެހިފައިވާ އެ ޕްރޮމޯޝަނުގެ މުއްދަތުގައި މީޑިއާނެޓުގެ ކަނެކްޝަނަށް އަލަށް އެދޭ ފަރާތަކަށް ހިލޭ ކަނެކްޝަން ގުޅައިވެސް ދޭނެ އެވެ.
ހުރިހާ އުމުރުފުރައަކާ ގުޅޭ ދިވެހި އަދި ބޭރުގެ ފިލްމާއި ސީރީޒްގެ އިތުރުން މުހިންމު ގިނަ ޗެނަލްތައް އެކުލެވޭ މީޑިއާނެޓުގެ ހިދުމަތަކީ މިވަގުތު ރާއްޖޭގައި އެންމެ ފުޅާ ދާއިރާއެއްގައި ފޯރުކޮށްދޭ ޓީވީ އަދި މުނިފޫހިފިލުވުމުގެ ހިދުމަތެވެ.
އެ ޕްރޮމޯޝަންގެ ދަށުން ހިދުމަތް ހޯދުމަށް މީޑިއާނެޓުގެ ކަސްޓަމާ ސާވިސް ސެންޓަރުތަކަށް ޒިޔާރަތްކޮށްގެން ނުވަތަ މީޑިއާނެޓުގެ ބިޒްނަސް ޕާޓްނަރުންނަށް ގުޅައިގެން ވެސް ފްރީ ކަނެކްޝަނަކަށް އެދެވޭނެ އެވެ.
ވީހާވެސް ގިނަ ދިވެހި ރައްޔިތުންނަށް އެންމެ ރަނގަޅު ފެންވަރުގައި ރީބްރޯޑުކާސްޓިންގެ ހިދުމަތް ފޯރުކޮށްދިނުމަކީ އެ ކުންފުނީގެ އެންމެ ބޮޑު އަމާޒު ކަމަށް މީޑިއާނެޓުން ބުނެ އެވެ.
ދިވެހި ޗެނެލްތަކާއި ބޭރުގެ ހަބަރު ފަތުރާ ޗެނެލްތަކުގެ އިތުރުން މުނިފޫހިފިލުވުމަށް ހާއްސަ ޗެނެލްތަކުން ފެށިގެން ގޮސް ކުޑަކުދިންގެ ޗެނެލްތައް ހިމެނޭހެން ޖުމްލަ 186 ޗެނެލް މީޑިއާނެޓުން ފޯރުކޮށްދެ އެވެ.
