އިންޑިއާގެ ދެ ކޯފް ސިރަޕެއް ބޭނުން ނުކުރަން ޑަބްލިއުއެޗްއޯއިން އަންގައިފި

ޑަބްލިއުއެޗްއޯއިން އެލާޓް ނެރުނީ އުޒްބެކިސްތާނުން ކުދިންތަކެއް މަރުވުމާ ގުޅިގެން. -- ފޮޓޯ: ގެޓީ އިމޭޖާޒް

ޑަބްލިއުއެޗްއޯއިން އެލާޓް ނެރުނީ އުޒްބެކިސްތާނުން ކުދިންތަކެއް މަރުވުމާ ގުޅިގެން. -- ފޮޓޯ: ގެޓީ އިމޭޖާޒް

އުޒްބެކިސްތާނުގައި ކުދިންތަކެއް މަރުވުމާ ގުޅިފައިވާ ދެ ބާވަތެއްގެ ކޯފް ސިރަޕް ބޭނުން ނުކުރުމަށް ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން އަންގައިފި އެވެ.

އެއީ އިންޑިއާގެ މެރިއޯން ބަޔޯޓެކުން އުފެއްދި ދެ ބޭހެވެ. ޑަބްލިއުއެޗްއޯއިން ބުނީ އެ ބޭސްތައް ހުރީ "ސްޓޭންޑަޑް ނުހިފަހައްޓައި" ކަމަށާއި އޭގެ ރައްކާތެރިކަމުގެ ގެރެންޓީ ކުންފުނިން ފޯރުކޮށްނުދިން ކަމަށެވެ.

ދާދި ފަހުން އުޒްބެކިސްތާނުން ބުނީ މެރިއޯން ބަޔޯޓެކްގެ ކޯފް ސިރަޕް ބޮއެގެން 18 ކުދިން މަރުވެފައިވާ ކަމަށެވެ. ޑަަބްލިއުއެޗްއޯގެ އެލާޓާ ގުޅިގެން އެ ކުންފުނިން އަދި ވަކި އެއްޗެއް ނުބުނެ އެވެ.

އުޒްބެކިސްތާނުން ކުދިން މަރުވިކަން ރިޕޯޓު ކުރުމުން މެރިއޯން ބަޔޯޓެކްގެ ޕްރޮޑަކްޝަން މެދުކަނޑާލަން އިންޑިއާގެ ހެލްތު މިނިސްޓްރީއިން އެންގި އެވެ.

މި ހަފުތާގައި އުއްތަރް ޕްރަދޭޝް ސްޓޭޓުގެ ފުޑް ސޭފްޓީ ޑިޕާޓްމަންޓުން އެ ކުންފުނީ ޕްރޮޑަކްޝަން ލައިސެންސް ވެސް ސަސްޕެންޑް ކުރި އެވެ. މެރިއޯން ބަޔޯޓެކަކީ އެ ސްޓޭޓުގައި ހުންނަ ކުންފުންޏެވެ.

ބުރާސްފަތި ދުވަހު ޑަބްލިއުއެޗްއޯއިން ނެރުނު އެލާޓުގައި ބުނީ "އެމްބްރޮނޯލް" އަދި "ޑޮކް-1 މެކްސް" ކޯފް ސިރަޕްގެ ތަހުލީލު ހެދި އިރު، "ޑައިއެތިލީން ގްލައިކޯލް" އަދި "އެތިލީން ގްލައިކޯލް" ވަރަށް ގިނައިން ހުރި ކަމަށެވެ. އެ ޓެސްޓު ހެދީ އުޒްބެކިސްތާނުގެ ހެލްތު މިނިސްޓްރީގެ ކޮލިޓީ ކޮންޓްރޯލް ލެބޯޓަރީތަކުގަ އެވެ.

"ޑައިއެތިލީން ގްލައިކޯލް" އަދި "އެތިލީން ގްލައިކޯލް" އަކީ އިންސާނުންނަށް ވިހަ ދެ މާއްދާ އެވެ. ހަށިގަނޑަށް އެތެރެވެއްޖެ ނަމަ އޭގެން މަރުވުމުގެ ފުރުސަތު ބޮޑެވެ.

"މި ދެ ފުފެއްދުން ވެސް މި ސަރަހައްދުގެ އެހެން ގައުމުތަކުގައި މާކެޓު ކުރަމުން ގޮސްފައިވުން އެކަށީގެންވޭ. ނުރަސްމީ މާކެޓުތައް މެދުވެރިކޮށް މި ނޫން ސަރަހައްދުތަކާއި ގައުމުތަކުގައި ފަތުރާފައިވުން އެކަށީގެންވޭ،" ޑަބްލިއުއެޗްއޯއިން ބުންޏެވެ.

އިންޑިއާގައި އުފެއްދި ހަތަރު ބާވަތެއްގެ ކޯފް ސިރަޕް ބޮއެގެން ގެމްބިއާގައި 70 ކުދިން މަރުވި މައްސަލައިގައި ބޭސްތައް އުފެއްދި ކުންފުންޏާ ދެކޮޅަށް ދައުވާ ކުރަން ގެމްބިއާގެ ޕާލަމެންޓް ކޮމިޓީއިން ދާދި ފަހުން ލަފާދިނެވެ.

އެކަމަކު އިންޑިއާ ސަރުކާރުގެ ލެބުތަކުގައި ކޯފް ސިރަޕްތައް ޓެސްޓު ކުރުމަށް ފަަހު ބުނީ އެ ބޭސްތައް ތައްޔާރުކޮށްފައި ހުރީ "މިންގަނޑުތަކާ އެއް ގޮތަށް" ކަމަށެވެ. މިދިޔަ ހަފުތާގައި އިންޑިއާގެ އޮފިޝަލަކު ބުނީ މަރުތަކާ ގުޅިގެން ޑަބްލިއުއެޗްއޯއިން "ކޯފް ސިރަޕް ގޯސްކުރީ" ރަނގަޅަށް ބަލަން ޖެހޭ ކަންކަން ނުބަލައި ކަމަށެވެ.

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox