ރަޝިއާގެ ދެކުނުގައި ހުންނަ އަސްކަރީ ވައިގެ މަރުކަޒަަކަށް ޔޫކްރެއިނުން ދިން ޑްރޯން ހަމަލާއެއްގައި ތިން މީހުން މަރުވެއްޖެ އެވެ.
ރިޕޯޓުތައް ބުނާ ގޮތުން ވައިގެ ދިފާއީ ސިސްޓަމުން ޑްރޯންއަށް ބަޑި ޖަހައި ވައްޓާލި އެވެ. އެހެންވެ، އެ ޑްރޯންއަށް ހަމަލާއެއް ނުދެވެ އެވެ.
ރޭ ދަންވަރު ހިނގި އެ ހާދިސާގައި މީހުން މަރުވާން މެދުވެރިވީ ޑްރޯންއަށް ހަމަލާދީ ގޮއްވާލި ވަގުތު ބުރައިގެން ދިޔަ ތަކެތީގެ ސަބަބުންނެވެ.
މީގެ ކުރިން ޑިސެމްބަރު ފަސް ވަނަ ދުވަހު ވެސް އެ ވައިގެ މަރުކަޒަށް ޑްރޯންތަކެއް ފޮނުވި އެވެ. ރަޝިއާއިން ބުނީ އެއީ ވެސް ޔޫކްރެއިންގެ ޑްރޯންތަކެއް ކަމަށެވެ.
އެ ވައިގެ މަރުކަޒަކީ ޔޫކްރެއިން އާއި ރަޝިއާ ގުޅޭ ބޯޑަރާ 500 ކިލޯމީޓަރު އިރުއުތުރުން އޮންނަަ ތަނެކެވެ. އެ މަރުކަޒަށް ދިން ހަމަލާތަކާ ގުޅޭ ގޮތުން ޔޫކްރެއިނުން އެއްވެސް އެއްޗެއް ނުބުނެ އެވެ.
ސަރަޓޯވް ސަރަހައްދުގެ ގަވަރުނަރު ވިދާޅުވީ ވައިގެ މަރުކަޒަށް ހަމަލާތައް އަމާޒުވި ނަމަވެސް، އެ ސަރަހައްދުގައި އުޅޭ އާއްމުންނަށް ނުރައްކަލެއް ނެތް ކަމަށެވެ.
