އިންޑިއާގެ ޓީވީ ޝޯ "އަލީ ބާބާ" ދާސްތާން އޭ ކާބުލް" ގެ ސެޓުގައި ތުނީޝާ ޝަރުމާ މަރުވުމުން، ޝީޒަން މުހައްމަދު ހާން ހައްޔަރުކޮށްފި އެވެ.
އުމުރުން 20 އަހަރުގެ ތުނީޝާ ދަންޖެހިގެން މަރުވެފައި ހުއްޓައި ފެނުނީ ހޮނިހިރު ދުވަހުގެ މެންދުރު 03:30 ހާއިރު ޝީޒަންގެ މޭކަޕް ކޮޓަރީގެ ތެރޭގަ އެވެ.
ފުލުހުންގެ އިންސްޕެކްޓަރު ކައިލަސް ބަރްވޭ ވިދާޅުވީ ޝީޒަން ހައްޔަރުކޮށް ވަރަށް އަވަހަށް ކޯޓަށް ހާޒިރު ކުރާނެ ކަމަށެވެ.
ރިޕޯޓުތައް ބުނާ ގޮތުން ތުނީޝާ އާއި ޝީޒަން އުޅުނީ ލޯބީގެ ގޮތުން ގުޅިގެންނެވެ. ތުނީޝާ މަރުވި އިރު އިނީ ބަލިވެ ކަމަށް އިންޑިއާގެ ބައެއް ނޫސްތަކުން ހަބަރު ފެތުރި އެވެ.
އެކަމަކު ޕޯސްޓްމޯޓަމް ހެދުމަށް ފަަހު ފުލުހުން ބުނީ އެއީ ދޮގު ހަބަރެއް ކަމަށެވެ. އެހެން ނަމަވެސް ތުނީޝާގެ މަންމަ ތުހުމަތު ކުރާ ގޮތުގައި އޭނާ ދަންޖެހިގެން މަރުވީ ޝީޒަންގެ ސަބަބުންނެވެ.
އެގޮތުން ދެ މީހުން ލޯބީގެ ގޮތުން ގުޅިގެން އުޅުމަށް ފަހު، ޝީޒަން ކައިވެނި ކުރަން ބޭނުން ނުވާ ކަމަށް ބުނުމުން، މިދިޔަ ނޮވެމްބަރު މަހުން ފެށިގެން ތުނީޝާއަށް ޑިޕްރެޝަން ކުރިމަތިވި ކަމަށް ބުންޏެވެ.
ދެ ތަރިންގެ ލޯބީގެ ގުޅުން ނިމުމަކަށް ގެނައި ނަމަވެސް، ޓީވީ ޝޯގެ މަސައްކަތުގައި އެކުގައި އުޅެމުން ދިޔަ އެވެ.
ތުނީޝާއަކީ ކުޑައިރުން ފެށިގެން އެކްޓު ކުރަމުން އައި މީހެކެވެ. އޭނާ ކެރިއަރު ފެށީ ސޮނީ ޓީވީގެ "މަހަރަނަަ ޕްރަތާޕް" ޝޯއިންނެވެ.
އޭގެ ފަހުން ގިނަ ސީރީޒްތަކާއި ބޮލީވުޑް ފިލްމުތަކުން ފެނިގެން ދިޔަ އެވެ. ވަކިން ހާއްސަކޮށް ކެޓްރީނާ ކައިފްގެ ފިލްމުތަކުން ފެނިގެން ދިޔަ އެވެ.
