ޔޫކްރެއިންގައި ކުރަމުންދާ ހަނގުރާމައިގެ ޒިންމާ އުފުލަން ޖެހެނީ ރަޝިއާއިން ނޫން ކަމަށް އެ ގައުމުގެ ރައީސް ލެޑިމިއަ ޕުޓިން ވިދާޅުވެއްޖެ އެވެ.
އިސް އަސްކަރީ އޮފިޝަލުންނާ އެކު ޓީވީ މެދުވެރިކޮށް ދެއްވި ހިތާބެއްގައި ޕުޓިން ވިދާޅުވީ ޔޫކްރެއިނަކީ "އުހުއްވަތްތެރި ގައުމެއްގެ" ގޮތުގައި އަދިވެސް ދެކޭ ކަމަށެވެ.
ޕުޓިން ވިދާޅުވީ ދެ ގައުމުގެ މެދުގައި ކުރަމުންދާ ހަނގުރާމައަކީ "ތިން ވަނަ ގައުމުތަކެއްގެ ސިޔާސަތުގެ" ނަތީޖާ ކަމަށާއި އެއީ ރަޝިއާގެ ސިޔާސަތާ ގުޅުން ހުރި ހަނގުރާމައެއް ނޫން ކަމަށެވެ.
"އަހަރުތަކެއް ވަންދެން އަޅުގަނޑުމެން މަސައްކަތް ކުރީ ޔޫކްރެއިންއާ އެކު އެކުވެރި، އަވައްޓެރިކަމުގެ ގުޅުން ބިނާކުރަން. ލޯނުތަކާއި ހެޔޮ އަގުގައި ހަކަތަ ފޯރުކޮށްދީގެން ކުރި މަސައްކަތުގެ ނަތީޖާއެއް ނުފެނުނު،" ޕުޓިން ވިދާޅުވި އެވެ
"އަޅުގަނޑުމެންނަށް ކުރެވޭނެ އެންމެ ތުހުމަތެއް ވެސް ނެތް. އަޅުގަނޑުމެން އަބަދުވެސް ދެކެނީ ޔޫކްރެއިންގެ ރައްޔިތުންނަކީ އަޅުގަނޑުމެންގެ އަހުންގެ ގޮތުގައި. މިއަދު ވެސް އަޅުގަނޑު ދެކެނީ އެގޮތަށް."
"މިހާރު ހިނގަމުން މިދާ ކަމަކީ ބޮޑު ހިތާމައެއް. އެކަމަކު އެއީ އަޅުގަނޑުމެންގެ ސަބަބުން ހިނގަމުންދާ ކަމެއް ނޫން."
ޓީވީ މެދުވެރިކޮށް ދެއްކި ހިތާބުގައި އަސްކަރީ އޮފިޝަލުން ވައުދުވީ ޔޫކްރެއިންގެ ހިންގާ "ހާއްސަ އަސްކަރީ އޮޕަރޭޝަން" 2023 ވަނަ އަހަރު މެދުނުކެނޑި ކުރިއަށް ގެންދިޔުމަށެވެ.
