މާލޭގެ ވޯކްޝޮޕެއްގައި ރޯވެ، ފިހުނު މީހަކަށް އޭޑީކޭގައި ފަރުވާ ދެނީ

މާލޭގެ ހެންވޭރު ސަރަހައްދުގައި ހުރި ވޯކްޝޮޕެއްގައި މިރޭ ރޯވެ، އެ ހާދިސާގައި ފިހުނު މީހަކަށް އޭޑީކޭ ހޮސްޕިޓަލުގައި ފަރުވާ ދޭން ފަށައިފި އެވެ.

ފުލުހުން ބުނި ގޮތުގައި އެ ހާދިސާ ހިނގީ ހެންވޭރު ރަތްވިލާ މަގުގައި ހުންނަ ވޯކްޝޮޕެއްގަ އެވެ. އަދި މިރޭ 8:45 ހާއިރު ފުލުހުންނަށް އެ މައުލޫމާތު ލިބިފައިވާ ކަމަށް ފުލުހުން ބުންޏެވެ.

ރޯވި އަލިފާންގަނޑު މިހާރު ވަނީ ނިއްވާލައިފަ އެވެ. އެ ހާދިސާގައި އަނިޔާވި މީހާއަށް އޭޑީކޭގައި ފަރުވާ ދެމުންދާއިރު، އޭނާގެ ހާލަތު އަދި ސާފެއް ނޫނެވެ.

މިދިޔަ ނޮވެމްބަރު މަހުގެ ނުވަނަ ދުވަހު ވެސް އަލިފާނުގެ ބޮޑު ހާދިސާއެއް ހިނގައި، 10 މީހަކު ވަނީ މަރުވެފަ އެވެ. އޭރު ރޯވީ މާލެ މ. ނިރުފެހިގޭގައި ހުރި ގަރާޖެއްގަ އެވެ.