ކިޔެވް، ޔޫކްރެއިން (ޑިސެމްބަރު 11) - ދަންވަރުގެ ވަގުތުގައި ރަޝިއާއިން ދިން "ކަމިކަޒޭ" ޑްރޯން ހަމަލާތަކާ ގުޅިގެން ދެކުނު އޮޑެއްސާ ސިޓީގެ 1.5 މިލިއަން މީހުން ތިބީ އަނދިރީގައި ކަމަށް ޔޫކްރެއިންގެ ރައީސް ވޮލޮޑިމިރް ޒެލެންސްކީ ވިދާޅުވެއްޖެ އެވެ.
އެ ސަރަހައްދުގެ ހަކަތައާ ބެހޭ އިދާރާއިން ބުނީ ހުކުރު ދުވަހުގެ ދަންވަރު ދިން ހަމަލާތަކާ ގުޅިގެން ކަރަަންޓު ވިޔުގައަށް ލިބުނު ގެއްލުން މަރާމާތު ކުރަން ތިން މަަސް ނެގުން އެކަަށީގެންވާ ކަމަށެވެ.
"އިރާނުގެ ޑްރޯންތައް ބޭނުންކޮށްގެން ދަންވަރު ދިން ހަމަލާތަކާ ހެދި، އޮޑެއްސާ އާއި އެ ސަަރަހައްދުގެ އެހެން ސިޓީތަކާއި އަވަށްތަކުގެ މީހުން ތިބީ އަނދިރީގައި،" ޒެލެންސްކީ ވިދާޅުވި އެވެ.
"މި ވަގުތު އޮޑެއްސާގައި 1.5 މިލިއަން މީހުންނަށް ކަރަންޓު ނުލިބޭ."
ރައީސް އޮފީހުގެ ވެރިޔާ ކިރީލޯ ޓިމޮޝެންކޯ ވިދާޅުވީ މި ވަގުތު ކަރަންޓު ލިބެނީ ހަމައެކަނި ހޮސްޕިޓަލް ފަދަ މުހިއްމު އިންފްރާސްޓްރަކްޗާއަށް އެކަނި ކަމަށެވެ.
މިދިޔަ ބުރާސްފަތި ދުވަހު ރަޝިއާގެ ރައީސް ލެޑިމިއަ ޕުޓިން ވިދާޅުވީ ޔޫކްރެއިންގެ ކަރަންޓު ވިޔުގައަށް ހަމަލާ ދިނުން ނުހުއްޓާނެ ކަމަށެވެ.
