ވަގުތާއި ހާލަތަކީ އަބަދު އެއް ގޮތަކަށް އޮންނަ އެއްޗެއް ނޫނެވެ. ޒަމާނަށް އަންނަ ބަދަލާ އެކު ދިރިއުޅުމަށް ވެސް އޭގެ އަސަރު ކުރެ އެވެ. ބައެއް ފަހަރު ރަނގަޅު ގޮތުގަ އެވެ. އަނެއްބައި ފަހަރު ނުރަނގަޅު ގޮތުގަ އެވެ.
ކޮންމެއަކަސް ޓެކްނޮލޮޖީއަށް އަންނަ ކުރިއެރުމާ އެކު ގިނަފަހަރަށް ދިރިއުޅުން ވަނީ ފަސޭހަ އެވެ. މިސާލަކަށް ބަލާނަމަ، ބަރޯ ޕިކަޕަށް ވެއްޖެ އެވެ. ބައިސްކަލު ސައިކަލަށް ވެއްޖެ އެވެ. ޓީވީ ފޯނަށް ވެއްޖެ އެވެ.
މިފަހަރު އަނެއްކާވެސް ތަފާތު ކަމެކެވެ. ޑީކޯޑަރާ ނުލައި ޓީވީ ބެލޭނެ ގޮތެކެވެ. އާންމުކޮށް ބަލާ ހުރިހާ ޗެނަލެއް ހިމެނޭހެން 80 އެތައް ޗެނަލެކެވެ. އެންމެ ފަހުގެ ޓީވީ ސީރީޒްތަކާއި ފިލްމުތަކެވެ. ބޭނުންވަނީ ސްމާޓު ޓީވީއަކާއި އިންޓަނެޓު އެކަންޏެވެ.
ކިތަންމެ ބުރަކޮށް އުޅުނަސް މައްސަލައެއް ނެތެވެ. އޮޅައިގެން ފާއިތުވި ދެ ދުވަހުގެ އެއްޗެހި ބޭނުން ވަގުތަކު ބަލާލެވޭނެ އެވެ. ޕޯސް ކޮށްލާފައި ފަހުން ވެސް ބަލާލެވޭނެ އެވެ. ހަނދާން ބަލި ކަމުގައި ވާނަމަ ބަލަން ބޭނުންވާ އެއްޗެއް އަންނަ ވަގުތަކަށް ރިމައިންޑާ ވެސް ސެޓު ކޮށްލެވޭނެ އެވެ.
ފުރިހަމައެއް ނޫން ހެއްޔެވެ؟ މިއީ މީޑިއާނެޓުގެ އެމް.އެސް ލައިޓުގެ ވާހަކަ އެވެ. ޓީވީ އެޕްލިކޭޝަނެއްގެ ވާހަކަ އެވެ. ޑީކޯޑަރު ބަހައްޓައިގެން ކުރާ ހުރިހާ ކަމެއް މިހާރު މި އެޕު މެދުވެރިކޮށް ކުރެވޭނެ އެވެ.
އެމް.އެސް ލައިޓަށް ރެޖިސްޓާ ވާނީ ކިހިނެއް؟
މީޑިއާނެޓުގެ ކަސްޓަމަރުންގެ ގޮތުގައި މިހާރުވެސް ތިބި މީހުންނަށް މި ލިންކަށް ވެދެލައިގެން އެމް.އެސް ލައިޓަށް ރެޖިސްޓާ ވެވޭނެ އެވެ. މީޑިއާނެޓުގެ ހިދުމަތް އަލަށް ހޯދާ ފަރާތެއް ނަމަ ހަމަ އެ ލިންކަށް ވަދެ، އެމް.އެސް ލައިޓު އެކައުންޓެއް ހަދާނީ އެވެ.
ރެޖިސްޓާ ވުމަށް:
- މި ލިންކަށް ޒިޔާރަތް ކޮށްލާ
- ފޯނު ނަންބަރު ޖަހައިގެން ލޮގިން ވެލާ
- ބެނުންވާ އެކައުންޓެއް ހިޔާރު ކުރޭ (އަލަށް ހިދުމަތް ހޯދާ ފަރާތެއް ނަމަ "ކްރިއޭޓު އެކައުންޓް" އަށް ފިތާލާ)
- ސާވިސް އެއްގެ ގޮތުގައި އެމް.އެސް ލައިޓު ހިޔާރުކޮށްލާ
- ފޯނަށް ލިބުނު މައުލޫމާތާ އެކު އެޕްލިކޭޝަނަށް ވަދެލާ
އެމް.އެސް ލައިޓު ޑައުންލޯޑު ކުރާނީ ކިހިނެއް؟
- ޓީވީގެ އެޕް ސްޓޯރަށް ވަދެލާ
- ސާޗު ބާގައި މީޑިއާނެޓު ޖަހާފައި ސާޗު ކޮށްލާ
- މީޑިއާނެޓު ޑައުންލޯޑު ކޮށްލާ
- އެމް.އެސް ލައިޓު ހުޅުވާލާ
އެމް.އެސް ލައިޓުގެ ހާއްސަ ކަމަކީ ކޮބާ؟
- ފާއިތުވި ދެ ދުވަހުގެ ޕްރޮގުރާމުތައް އޮޅައިގެން ބަލާލެވޭ
- އެންމެ ގަޔާވާ ކޮންޓެންޓު ނުވަތަ ޕްރޮގުރާމު ބަލާލަން ރިމައިންޑާ ސެޓު ކޮށްލެވޭ
- ރިވައިންޑު، ޕޯސް، ޕުލޭ
- އިލްކްޓުރޯނިކް ޕްރޮގުރާމް ގައިޑު
- ވީޑިއޯ ކުލަބު
- މީޑިއާނެޓު ފައިބާ ނެޓުވޯކެއް ނަމަ އިތުރު ޑޭޓާ ހަރަދެއް ނުދޭ (މި ހިދުމަތް އަދި ހަމައެކަނި ލިބޭނީ މާލެ އަދި ހުޅުމާލެއަށް، އަތޮޅު ތެރޭގައި ނަމަ ޑޭޓާ ޗާޖު އަރާފާނެ)
އެހެންކަމުން މީޑިއާނެޓުން މިގެނައި ބަދަލާ އެކު ހަމަ ކަށަވަރުން ވެސް އެ ކުންފުނީގެ ހިދުމަތް ހޯދާ ފަރާތްތަކާއި ހިދުމަތް ހޯދުމަށް ގަސްތުކުރާ ފަރާތްތަކުގެ ދިރިއުޅުން އިތުރަށް ފަސޭހަވެގެން ދާނެ އެވެ. މިއީ ނުހޯދާ ދޫކޮށްލާ ވަރުގެ ހިދުމަތެއް ނޫނެވެ.
ނޯޓު: މި އެޕްލިކޭޝަން ބޭނުން ކުރެވޭނީ ހަމައެކަނި، އެންޑުރޮއިޑު އެޗުޑީ، އެލްޖީ، ސޭމްސަންގު ސުމާޓު ޓީވީތަކާއި ގޫގުލް ކުރޯމްކާސްޓު މެދުވެރިކޮށް.
