ރަޝިއާގެ ކޮސްޓްރޮމާ ސިޓީގެ ނައިޓްކްލަބެއްގައި ރޯވެ 13 މީހުން މަރުވެއްޖެ އެވެ.
ކަމާ ބެހޭ އިދާރާތަކުން ބުނީ އަލިފާން ރޯވީ މަސްތުވެގެން ހުރި ކަސްޓަމަރަކު ނައިޓް ކްލަބްގެ ތެރޭގައި ފްލެއާ ގަން ބޭނުން ކުރުމުން ކަމަށެވެ.
ރިޕޯޓުތައް ބުނާ ގޮތުން އަލިފާންގަނޑު ފެތުރެން ފެށީ ސީލިންގުގައި ހަރުކޮށްފައި ހުރި ބޮކިތަކުގައި ހުޅު ހިފައިގެންނެވެ. އަލިފާންގަނޑު ނިއްވާލަން ގަޑިއިރުތަކެއް ހޭދަވި އެވެ.
ތުހުމަތު ކުރެވޭ މީހަކު ވަނީ ހައްޔަރުކޮށްފަ އެވެ. އެ ހާދިސާ ހިނގި ކޮސްޓްރޮމާއަކީ މޮސްކޯގެ އިރުއުތުރުން 300 ކިލޯމީޓަރު ދުރުގައި އޮންނަ ސިޓީއެއްގަ އެވެ.
އެ ހާދިސާ ހިނގި އިރު ނައިޓްކްލަބް ތެރޭގައި ތިބީ ކިހާ އަދަދެއްގެ މީހުން ކަމެއް ސާފެއް ނޫނެވެ. ނަމަވެސް ރިޕޯޓުތައް ބުނާ ގޮތުން 250 މީހުން އިވެކުއޭޓް ކުރި އެވެ.
މީގެ ކުރިން 2009 ވަނަ އަހަަރު ޕާމް ސިޓީގެ ނައިޓްކްލަބެއްގައި ވެސް ނުރަައްކާތެރި އަލިފާނުގެ ހާދިސާއެއް ހިނގި އެވެ. އެ ފަހަރު 159 މީހުން މަރުވި އެވެ.
