ރަޝިއާގެ ސްޓްރެޓެޖިން ނިޔުކްލިއާ ފައުޖުގެ އަހަރީ ނިޔުކްލިއާ ތަމްރީންތައް ރައީސް ލެޑިމިއަ ޕުޓިން ބައްލަވާލައްވައިފި އެވެ.
ރަޝިއާ ސަރުކާރުން ބުނީ ތަމްރީންގެ ތެރެއިން ރަޝިއާގެ އެންމެ އިރާއި އާކްޓިކް ސަރަހައްދުން ބެލިސްޓިކް އަދި ކްރޫޒް މިސައިލް ލޯންޗުކުރި ކަމަށެވެ.
ނިއު ސްޓާޓް ހަތިޔާރާ ބެހޭ އެއްބަސްވުމުގެ ދަށުން ތަމްރީން ފެށުމުގެ ކުރިން ރަޝިއާއިން އެކަން އެމެރިކާއަށް އެންގި އެވެ.
ނިޔުކްލިއާ ތަމްރީން ކުރިއަށް ގެންދިޔަ އިރު، ރަޝިއާއިން ދާދި ފަހުން ތުހުމަތު ކުރީ ޔޫކްރެއިނުން "ޑާޓީ ބޮމެއް" ބޭނުންކުރަން އުޅޭ ކަމަށެވެ.
"ޑާޓީ ބޮމުގެ" ގޮތުގަައި ނިސްބަތް ކުރަނީ ރޭޑިއޯއެކްޓިވް މެޓީރިއަލް ހިމެނޭ ގޮވާ ތަކެއްޗަށެވެ. ހުޅަނގުގެ ގައުމުތަކުން އެ ތުހުމަތު ދޮގުކުރެ އެވެ.
އެ ތުހުމަތާ ގުޅިގެން ޔޫކްރެއިނުން ބުނީ އެއީ ރަޝިއާއިން އެފަދަ ކަމަކަށް ތައްޔާރުވަމުންދާ ކަމުގެ ހެއްކެއް ކަމަށެވެ.
ރަޝިއާގެ ނިޔުކްލިއާ ތަމްރީން ބޭއްވި އިރު، ނޭޓޯއިން ވެސް ދަނީ "ސްޓެޑްފާސްޓް ނޫން" ގެ ނަމުގައި ނިޔުކްލިއާ ތަމްރީންތަކެއް ހުޅަނގު އުތުރު ޔޫރަޕްގައި ކުރިއަށް ގެންދަމުންނެވެ.
