ރަޝިއާގެ ދައުލަތުގެ ޓީވީ ޗެނަލް އާރްޓީގެ ޕްރެޒެންޓަރަކު ޔޫކްރެއިންގެ ކުޑަކުދިންނަށް އަނިޔާވެރިވުމަށް ގޮވާލުމުން އޭނާ ސަސްޕެންޑުކޮށްފި އެވެ.
ސަސްޕެންޑު ކުރި އެންޓޮން ކްރަސޮވްސްކީ ގޮވާލީ ޔޫކްރެއިންގެ ކުދިންގެ ގައިގައި ރޯކޮށް، ގަންބައި މަރާލުމަށެވެ. އެ ވާހަކަތަަކާ ހެދި ސޯޝަލް މީޑިއާގައި ފާޑުކިޔުން އަމާޒުވުމުން އޭނާ މައާފަށް އެދުނެވެ.
އާރްޓީގެ ޗީފް އެޑިޓަރު މާގަރީޓާ ސިމޮންޔަން ވަނީ ކްރަސޮވްސްކީގެ ވާހަކަތައް ކުށްވެރިކޮށް، އެއީ "ހަޑިމުޑުދާރު" ކަމެއްގެ ގޮތުގައި ސިފަކޮށްފަ އެވެ.
ޔޫކްރެއިނުން ތުހުމަތު ކުރީ އާރްޓީ ޗެނަލުން ގަތުލުއާއްމު ހިންގުމަށް ހިތްވަރުދޭ ކަމަށެވެ. ހަނގުރާމައަށް ހިތްވަރުދޭ ކަންކަން ތަކުރާރުކޮށް އެ ޓީވީއިން ދައްކާ ކަމަށް ޔޫކްރެއިނުން ބުންޏެވެ.
ސީރިއަސް ކުށްތައް ތަހުގީގު ކުރާ ރަޝިއާގެ އިންވެސްޓިގޭޓިވް ކޮމިޓީއިން ވަނީ ކްރަސޮވްސްކީގެ ވާހަކަތަކާ ގުޅޭ ތަހުގީގެއް ފަށައިފަ އެވެ.
އާރްޓީގައި ރަޝިއާ ބަހުން ގެންނަ ކޮންޓެންޓުގެ ޑިރެކްޓަރުގެ ގޮތުގައި ފާއިތުވި ދެ އަހަރު ހުރި ކްރަސޮވްސްކީއަކީ އީޔޫއިން ދަތިކުރުމުގެ ފިޔަވަޅު އަޅާފައިވާ މީހުންގެ ލިސްޓުގައި ހިމެނޭ މީހެކެވެ.
އޭނާއަކީ ރައީސް ލެޑިމިއަ ޕުޓިންއަށް ވަރަށް ބޮޑަށް ތާއީދު ކުރާ މީހެކެވެ.
