ރަޝިއާގެ ދެކުނު ޔެއިސްކް ސިޓީގައި އާއްމުން ދިރިއުޅޭ އިމާރާތަކަށް އަސްކަރީ މަތިންދާ ބޯޓެއް ވެއްޓިއްޖެ އެވެ.
ރިޕޯޓުތަައް ބުނާ ގޮތުން އެ ހާދިސާގައި ދެ މީހުން މަރުވި އެވެ. ބޯޓު ވެއްޓުމާ އެކު އިމާރާތުގައި އަލިފާން ރޯވި އެވެ.
ރަޝިއާއިން ބުނީ ވެއްޓުނީ ސުހޮއި ސޫ-34 ބޯޓެއް ކަމަށެވެ. ރިއާ ނިއުސް އެޖެންސީން ބުނީ ބޯޓު ވެއްޓުނީ ތަމްރީނެއްގެ ތެރެއިން އިންޖީނުގައި ރޯވެގެން ކަމަށެވެ.
Advertisement
ރަަޝިއާގެ ދައުލަތުގެ އިންވެސްޓިގޭޓިވް ކޮމިޓީއިން އެކަން ބަލަން ފަށާފައިވާ އިރު، ޝައްކު ކުރެވޭ އެއްވެސް ކަމެއް ހިމެނޭކަން ސާފެއް ނޫނެވެ.
ރިޕޯޓުތައް ބުނާ ގޮތުން ބޯޓު ވެއްޓި ރޯވީ ނުވަ ފަންގިފިލާގެ އިމާރާތެއްގަ އެވެ. މިހާތަނަށް ބެލި ބެލުމުން 17 އެޕާޓްމަންޓަށް ގެއްލުންވެފައިވެ އެވެ.
މަރުވި މީހުންނާއި އަނިޔާވި މީހުންގެ އަދަދު އިތުރުވުން އެކަށީގެންވާ ކަމަށް އޮފިޝަަލުން ބުނެ އެވެ.
