މުއްދަތެއް ނެތް ގޮތަށް ސްޕޭސްއެކްސް ކުންފުންޏަށް ޔޫކްރެއިންގެ ސްޓާލިންކް ސްޓެލައިޓް އިންޓަނެޓަށް ފަައިސާ ނުދެއްކޭނެ ކަަމަށް ކުންފުނީގެ ވެރިޔާ ބިލިއަނަރު އެލޮން މަސްކް ބުނެފި އެވެ.
މަސްކުގެ ކުންފުނިން ޔޫކްރެއިނަށް ސެޓެލައިޓް އިންޓަނެޓް އެކްޓިވޭޓް ކުރީ މިދިޔަ ފެބްރުއަރީ މަހު ރަޝިއާއިން ހަނގުރާމަ ފެށުމުންނެވެ.
އެކަމަކު އެމެރިކާގެ މީޑިއާއިން ބުނީ ސްޕޭސްއެކްސް ކުންފުނިން އެކަމަށް ފަންޑު ކުރުމުގެ ބަދަލުގައި އެމެރިކާގެ ޕެންޓަގަންއިން ފަންޑު ކުރުމަށް މިދިޔަ މަހު މަސްކް އެދުނު ކަމަށެވެ.
ހަނގުރާމަަ އަވަހަށް ނިންމުމަށް ޔޫކްރެއިނުގެ ބިމުން ބައެއް ރަޝިއާއަށް ދިނުމަށް ތާއީދުކޮށް ޓްވީޓް ކުރުމުން ދާދި ފަހުން ޔޫކްރެއިނުން މަސްކްއަށް ފާޑުކިޔެވެ.
"ސްޕޭސްއެކްސްއިން މި އެދެނީ ކުރިން ކުރި ހޭދަ އަނބުރާ ހޯދާކަށް ނޫން. އެކަަމަކު މުއްދަތެއް ނެތް ގޮތަށް މިގޮތަށް ކުރިއަށް ނުދެވޭނެ،" މަސްކް ކުރި ޓްވީޓެއްގައި ބުންޏެވެ.
ހަނގުރާއިގެ މައިދާނުގައި އިންޓަނެޓަށް ހުރަސް އެޅުމުން، ސެޓެލައިޓް މެދުވެރިކޮށް ކަނެކްޝަަން ލިބުމަކީ ޔޫކްރެއިނަށް ވަރަށް ބޮޑު ފައިދާއަކަށްވާ ކަމަށް އެ ގައުމުން ބުނެ އެވެ.
މަސްކް ބުނީ އެ ޕްރޮގްރާމް ދެމެހެއްޓުމަށް މަހަކު 20 މިލިއަން ޑޮލަރު ހޭދަކުރަން ޖެހޭ ކަމަށެވެ. ދާދި ފަހުން އޭނާ ބުނީ ޔޫކްރެއިނަށް ސެޓެލައިޓް އިންޓަނެޓް ލިބޭނެކަން ޔަގީން ކުރަން ސްޕޭސްއެކްސްއިން މިހާތަނަށް 80 މިލިއަން ޑޮލަރު ހޭދަކޮށްފައިވާ ކަމަށެވެ.
