ކޯފް ސިރަޕް ބޮއެގެން ކުދިންތަކެއް މަރުވި މައްސަލަ ގެމްބިއާގައި ތަހުގީގު ކުރަނީ

ކެއްސާތީ ބޯ ބޭހުގެ ހަތަރު ބާވަތެއް ވިއްކުން ހުއްޓާލަން ވަނީ އަންގާފައި. -- ފޮޓޯ: ޑަބްލިއުއެޗްއޯ

ކެއްސާތީ ބޯ ބޭހުގެ ހަތަރު ބާވަތެއް ވިއްކުން ހުއްޓާލަން ވަނީ އަންގާފައި. -- ފޮޓޯ: ޑަބްލިއުއެޗްއޯ

އިންޑިއާގައި އުފެއްދި ހަތަރު ބާވަތެއްގެ ކޯފް ސިރަޕް ބޮއެގެން ގެމްބިއާގައި 66 ކުދިން މަރުވި މައްސަލައިގެ ތަހުގީގު ފުލުހުން ފަށައިފި އެވެ.

ގެމްބިއާގެ ރައީސް އޮފީހުން ބުނީ އެ ބޭސް އެތެރެ ކުރި ފަރާތްތަކާއި މެޑިސިން ކޮންޓްރޯލް އެޖެންސީގެ އިސްވެރިން ހާޒިރުކޮށްފައިވާ ކަމަށެވެ.

ރައީސް އަޑަމާ ބަރޯ ވިދާޅުވީ މައްސަލަ ތަހުގީގު ކުރުމުގައި "އެންމެ ގާކޮޅެއް ވެސް އަނެއް ފުށަށް ނުޖަހައި ނުހުންނަވާނެ" ކަމަށެވެ.

އެ މައްސަލައިގައި ގެމްބިއާގެ ރައްޔިތުން ނުރުހުން ފާޅުކުރަމުންދާ އިރު، ޒިންމާ ވާން ޖެހެނީ ކޮން ފަރާތަކުން ކަމެއް ރައްޔިތުންނަކަށް ނޭނގެ އެވެ.

މިދިޔަ ބުދަ ދުވަހު ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ބުނީ ގެމްބިއާގައި 66 ކުދިން މަރުވުމާ ގުޅުން އޮތް ކަމަށް ބެލެވެނީ އިންޑިއާގައި އުފެއްދި ކެއްސާތީ ބޯ ބޭސް ނުވަތަ ކޯފް ސިރަޕްގެ ހަތަރު ބާވަތަކާ ކަމަށެވެ.

ކުދިންތަކަށް ކިޑްނީ މައްސަލަ ދިމާވެ، ޖުލައި، އޯގަސްޓް އަދި ސެޕްޓެމްބަރުގައި މަރުވުމުން ޑަބްލިއުއެޗްއޯއިން ތަހުލީލުތަކެއް ކުރި އެވެ.

މަރުވި ކުދިންގެ އާއިލާތަކުން ބީބީސީއަށް ބުނީ ބޭސް ދިނުމުން ކުދިންނަށް ކުޑަކަމުދާން އުނދަގޫވި ކަމަށާއި ދުވަހަކަށް ވުރެ ދުވަހެއް ހާލަތު ގޯސްވި ކަމަށެވެ.

ޑަބްލިއުއެޗްއޯއިން ފާހަަގަކުރި ހަތަރު ބޭހަކީ ޕްރޯމެތަޒައިން އޯރަލް ސޮލިއުޝަން، ކޯފެކްސްމެލިން ބޭބީ ކޯފް ސިރަޕް، މޭކޯފް ބޭބީ ކޯފް ސިރަޕް އަދި މެގްރިޕް އެން ކޯލްޑް ސިރަޕް އެވެ.

އެ ބޭސްތައް އުފެއްދީ އިންޑިއާގެ މެއިޑެން ފާމަސޫޓިކަލްސް ކުންފުނިންނެވެ. އިންޑިއާ ސަރުކާރުން ވަނީ ވަކި ތަހުގީގެއް ފަށައިފަ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox