ރަޝިއާ އާއި ކްރައިމިއާއާ ދެމެދުގައި ހަމައެކަނި ބްރިޖުގައި ހޮނިހިރު ދުވަހު ގޮވި ގޮވުމަށް ފަހު ސެކިރުއިޓީ ވަރުގަދަކޮށްފި އެވެ.
ބްރިޖުގެ ސެކިއުރިޓީ ބެލެހެއްޓުމަށް ރައީސް ލެޑިމިއަ ޕުޓިން އެންގެވީ ފެޑެރަލް ސެކިއުރިޓީ ސާވިސް (އެފްއެސްބީ) އަށެވެ.
ކްރައިމިއާއަކީ 2014 ވަނަ އަހަރު ރަޝިއާއިން ހިފި ޔޫކްރެއިންގެ ތަނެކެވެ. ހޮނިހިރު ދުވަހު ބްރިޖުގައި ޓްރަކެއް ގޮވުމުން ތިން މީހުން މަރުވި އެވެ.
އޮފިޝަލުން ބުނީ ބްރިޖަށް ލިބުނު ގެއްލުން ބަލައި މަރާމާރު ކުރުމުގެ މަސައްކަތް ވަގުތުން ފަށާނެ ކަމަށެވެ. ގާތްގަނޑަކަށް 19 ކިލޯމީޓަރު ދިގު ބްރިޖު މިހާރު ވަނީ އާއްމު ޓްރެފިކަށް އަލުން ހުޅުވާލައިފަ އެވެ.
އެއީ ޔޫރަޕުގެ އެންމެ ދިގު ބްރިޖެވެ. ސޯޝަލް މީޑިއާގައި އާއްމުވި މަންޒަަރުތަކުން ފެންނަނީ ބްރިޖުގެ ބައެއްގައި ރޯވެފައި އޮތް އިރު، ބައެއް ބައިތައް ވެއްޓޭ ތަނެވެ.
އެ ބްރިޖަކީ 2018 ވަނަ އަހަރު ރަޝިއާގެ ރައީސް ލެޑިމިއަ ޕުޓިން ހުޅުއްވައި ދެއްވި ބްރިޖެކެވެ. އެއީ ޔޫކްރެއިންގައި ތިބި ރަޝިއާ ސިފައިންނަށް މުހިއްމު އަސްކަރީ ސާމާނު ފޮނުވުމަށް ބޭނުންކުރާ ބްރިޖެކެވެ.
