އައިކެއާ އޮޕްޓިކަލްސް އިން ޖަޕާނުގެ ބްރޭންޑެއް ކަމަށްވާ ސީޑް ކޮންޓެކްޓް ލެންސް ދިވެހިރާއްޖެއަށް ތައާރަފްކޮށްފި އެވެ.
ގިނަ ވަގުތު ލެންސު ބޭނުން ކުރަންޖެހޭ ފަރާތްތަކަށް އެންމެ އެކަޝޭނަ ސީޑް ލެންސަކީ ގުދުރަތީގޮތުން ތެތްކަން އުފައްދާ އެލްޖެނިކް އެސިޑް ހިމެނޭ ލެންސެކެވެ.
މީގެ އިތުރުން އެ ކުންފުނިން އުފައްދާ ހުރިހާ ލެންސެއްގައި ސީޑް ކުންފުނީގެ އަމިއްލަ އުފެެއްދުމެއް ކަމަށްވާ ސީޑް އަޔޯނިކް ބޮންޑު (އެސްއައިބީ) ހިމެނޭނެ އެވެ. އެސްއައިބީ އަކީ ލޮލަށް އޮކްސިޖަން ފޯރުކޮށްދޭ މިންވަރު އިތުރު ކޮށްދޭ އަދި ލޮލަށް ޔޫވީ އަލި އެބްސޯބްކޮށްދޭ މިންވަރު މަދުކޮށްދޭ މާއްދާއެކެވެ. މި މާއްދާގެ ސަބަބުން ލެންސް ބޭނުންކުރެވޭ މުއްދަތު އިތުރުވެގެން ދާނެ އެވެ.
އައިކެއާ އިން ސީޑްގެ ޑިސްޕޯސެބަލް ކޮންޓެކްޓް ލެންސް ވެސް ލިބިގެންދާނެ ކަަމަށް އެ ފަރާތުން މައުލޫމާތުދެ އެވެ. ސީޑްގެ ޑިސްޕޯސެބަލް ލެންސަކީ ކޮންމެ މަހަކު ބަދަލުކުރާ ގޮތަށް ބޭނުންކުރާ ލެންސެކެެވެ. އައިކެއާގެ ހުރިހާ ފިހާރަ އަކުން މިހާރު ޑިސްޕޯސެބަލް ލެންސް ލިބެން ހުންނާނެ އެވެ. މީގެ އިތުރުން 'ސީޑް ރިޖިޑް ގޭމްސް ޕަރމިއަބަލް' ކޮންޓެކްޓް ލެންސް އަދި އެ ބްރޭންޑުގެ އެހެން ޕްރިސްކްރިޕްޝަން ލެންސްތައް އެ އައިކެއާ އިން ޕްރީއޯޑާ ކޮށްލެވޭނެ އެވެ.
މަސައްކަތުގެ 50 އަހަރުގެ ތަޖުރިބާ ލިބިފައިވާ ސީޑް ބްރޭންޑަކީ ކޮންޓެކްޓް ލެންސް އުފައްދާ، މި ދާއިރާއިން އެކި އާ ޓެކްނޮލަޖީތައް ވެސް އުފައްދާފައިވާ ކުންފުންޏެކެވެ.
