ހުޅުމާލެއިން ގެއްލިގެން ހޯދަމުންދާ ޒުވާނާ އަދިވެސް ނުފެންނަ ކަމަށް ފުލުހުން ބުނެފި އެވެ.
ހުޅުމާލެ ދެވަނަ ފިޔަވަހިން ގެއްލިގެން ހޯދަމުން ދަނީ މުހައްމަދު އަޒުހާން (27އ) އެވެ. އޭނާ ގެއްލިގެން ރިޕޯޓު ކޮށްފައި ވަނީ މި މަހުގެ 19 ވަނަ ދުވަހު އެވެ.
އޭނާ ހޯދުމަށް އާންމުންގެ އެހީއަށް ފުލުހުން އެދިފައި ވަނީ 29 ވަނަ ދުވަހު އެވެ.
Advertisement
ފުލުހުންގެ މީޑިއާ އޮފިޝަލް "އަދަދު" އަށް ވިދާޅުވީ އެ މީހާ ހޯދުމުގެ މަސައްކަތް އަދިވެސް ކުރަމުން އަންނަ ކަމަށެވެ.
ފުލުހުން ވަނީ ޓްވިޓާ މެދުވެރިކޮށް އެ ޒުވާނާގެ ފޮޓޯ ވެސް އާންމުކޮށްފަ އެވެ. އޭނާ އެންމެ ފަހުން ފެނުނުއިރު ލައިގެން ހުރީ މާޖެހި ޕީޗް ކުލައިގެ އަތްކުރު ގަމީހެއް ކަމަށް ވެސް ފުލުހުން ބުންޏެވެ.
