އިނގިރޭސި ތަހުތުގައި 70 އަހަރު ރެނދެލި ކުރެއްވި ރާނީ އެލިޒަބަތު ދެ ވަނައިގެ "ދެގޮތެއް ނުވާ ހިދުމަތަށް" ޝުކުރު އަދާކޮށް، ސަންދޯއް ރޯޔަަލް ވޯލްޓުގައި ރައްކާކޮށްފި އެވެ.
ހޯމަ ދުވަހުގެ ހެނދުނު ލަންޑަންގައި ރަސްމީ ޖަނާޒާ ބޭއްވުމަށް ފަހު ބޮޑު ހިނގާލުމަކާ އެކު ރާނީގެ ސަންދޯއް ގެންދިޔައީ ވިންޑްސާ އަށެވެ.
ވިންޑްސާގައި ހުންނަ ސެއިންޓް ޖޯޖަޒް ޗޭޕެލްގައި ހަވީރު އިތުރު ރަސްމިއްޔާތެއް ބޭއްވި އެވެ. އެ ރަސްމިއްޔާތުގައި 800 އަށް ވުރެ ގިނަ މީހުން ބައިވެރިވި އިރު، ހިމެނެނީ ޝާހީ އާއިލާގެ މެމްބަރުންނާއި މުވައްޒަަފުންނެވެ.
އެ ރަސްމިއްޔާތުގައި ރާނީގެ ހަނދާން އާކޮށް، ސަންދޯއް ވަނީ ރޯޔަލް ވޯލްޓަށް ތިރިކޮށްފަ އެވެ. އިނގިރޭސިވިލާތުގެ ގަޑިން ހޯމަ ދުވަހުގެ ރޭގެ ވަގުތަކާ ހަމައަށް ސަންދޯއް އޮންނާނީ އެ ތަނުގަ އެވެ.
ރޭގަނޑު އޮންނަ ޕްރައިވެޓް ހަަފްލާާއެއްގައި ރާނީ ފަސްދާނުލާނީ މިދިޔަ އަހަަރު އަވަހާރަވި ފިރިކަލުން އަމީރު ފިލިޕްއާ އެކު އެވެ. މިއަދާ ހަމައަށް ފިލިޕްގެ ސަންދޯއް ވެސް އޮތީ ރޯޔަލް ވޯލްޓުގަ އެވެ.
