އިނގިރޭސި ސިފައިންނާއި ރަސްގެފާނު ޗާލްސް ތިން ވަނަ އަދި ޝާހީ އާއިލާގެ އެހެން މެމްބަރުންގެ ހާއްސަ ހިނގާލުމަކާ އެކު ރާނީ އެލިޒަބަތުގެ ދެ ވަނައިގެ ސަންދޯއް ވެސްޓްމިންސްޓާ ހޯލުން ވެސްޓްމިންސްޓާ އަބީ ފައްޅިއަށް ގެންގޮސްފި އެވެ.
ސަންދޯއް އުފުލީ އެކަމަށް ހާއްސަ "ގެން ކެރިއަޖް" ގަ އެވެ. އެއީ 1901 ވަނަ އަހަރުން ފެށިގެން ރޯޔަލް ނޭވީއިން ރައްކާތެރިކަމާ އެކު ބަލަހައްޓަމުންދާ އެއްޗެކެވެ. އެ ކެރިއެޖް އެންމެ ފުރަތަމަ ބޭނުން ކުރީ 1901 ގައި އޮތް ރާނީ ވިކްޓޯރިއާގެ ޖަނާޒާގަ އެވެ. އެއީ ރާނީ އެލިޒަބަތު ދެ ވަނައިގެ ހޫރު މާމާފުޅެވެ.
އޭގެ ފަހުން ރާނީގެ ބައްޕާފުޅު ރަސްގެފާނު ޖޯޖް ހަ ވަނަ އާއި ކުރީގެ ބޮޑު ވަޒީރު ވިންސްޓަން ޗާޗިލްގެ ޖަނާޒާއަށް ވެސް އެ ކެރިއެޖް ބޭނުން ކުރި އެވެ.
ވިންސްޓަން ޗާޗިލްގެ ސަންދޯއް ގެންދަނީ.
ހޯމަ ދުވަހު ވެސްޓްމިންސްޓާ އަބީއާ ހަމައަށް އެ ކެރިއަޖުގައި ރާނީގެ ސަންދޯއް ގެންދިޔައީ 142 ނޭވީ އޮފިސަރުންނެވެ. ރަސްގެފާނު ޗާލްސް ތިން ވަނަ އިސްކޮށް ހުންނެވި ހިނގާލުމަށް ފަހު ފައްޅީގައި ދެން އޮންނާނީ ރާނީ އެލިޒަަބަަތު ދެ ވަނައިގެ ރަސްމީ ޖަނާޒާ އެވެ.
އެ ޖަނާޒާާއަށް 2000 މެހެމާނުން ގޮސްފައިވާ އިރު، އޭގެ ތެރޭގައި 500 އަށް ވުރެ ގިނަ ބޭރުގެ އިއްޒަތްތެރިންނާއި ވެރިން ހިމެނެ އެވެ. ޖަނާޒާ ކުރިއަށްދާ އިރު، އެ މަންޒަރުތައް ވަގުތުން ޓީވީން އަަދި އޮންލައިންކޮށް ފެންނާނެ އެވެ.
