އިމާރާތެއްގެ ވައިގޮޅިން ނަގަން އުޅުނު ދަގަނޑުތަކެއް ވެއްޓި، އެއިން ދަނގަޑެއް މޫނަށް ހެރުނު ބިދޭސީ މީހާގެ ގައިން އެ ދަގަނޑު ނަގާފައިވާ ކަމަށާއި ނަމަވެސް އޭނާގެ ހާލު އަދިވެސް ސީރިއަސް ކަމަށް އޭޑީކޭ ހޮސްޕިޓަލުން ބުނެފި އެވެ.
މި ހާދިސާ ހިނގާފައި ވަނީ މިދިޔަ ހޮނިހިރު ދުވަހު ހ. ޒާހަމްގައި ހަދަމުން އަންނަ 10 ބުރީގެ އިމާރާތުގެ ހަވަނަ ފަންގިފިލައިންނެވެ.
އޭޑީކޭގެ މެނޭޖިން ޑިރެކްޓަރު އަހްމަދު އައްފާލް މިއަދު "އަދަދު" އަށް ވިދާޅުވީ އެ މީހާގެ މޫނުން އެ ދަގަނޑު ނަގާފައިވާ ކަމަށެވެ. އަދި އެ ނެގުނީ އަށް ގަޑިއިރުގެ އޮޕަރޭޝަނަކަށް ފަހު ކަމަށް އޭނާ ވިދާޅުވި އެވެ.
އޭނާގެ މޫނުން ހެރުނު ދަގަނޑު ގައިގެ އެތެރެއަށް ތިން ފޫޓަށް ވެދައި ހުއްޓެވެ. އެ ނެގި ނަމަވެސް އައްފާލް ވިދާޅުވީ ބަލަން ޖެހޭ ކަންކަން ހުރުމުން ބާއްވާފައި އޮތީ އައިސީޔޫގައި ކަމަށެވެ.
ހ. ހާޒަމްގައި ހަދާ 10 ބުރީގެ އިމާރާތުގެ މަސައްކަތް ކުރަމުން އަންނަނީ އާރްސީސީ އިންނެވެ. އެ ކުންފުނީގެ ޑެޕިއުޓީ އެޗްއާރް މެނޭޖަރު އަހުމަދު ސާލިމް "އަދަދު" އަށް ވިދާޅުވި ގޮތުގައި އެކުންފުނީގެ ސައިޓެއްގައި އެ ހާދިސާ ހިނގީ ކިހިނެތްތޯ އެކުންފުނިން އަންނަނީ ބަލަމުންނެވެ.
އެ ހާދިސާގައި ޒަހަމްވި މީހާއަށް އޭޑީކޭގައި ފަރުވާދެމުން އަންނަ ކަމަށާއި އޭނާގެ ޗިސްމޭގެ ސާޖަރީއެއް ކުރުމަށްފަހު މިހާރު ހާލަތު ރަނގަޅުވަމުން އަންނަ ކަމަށް އޭނާ ވިދާޅުވި އެވެ.
