ޔޫކްރެއިންގެ ޒަޕޮރިއްޒިޒިއާ ނިޔުކްލިއާ ޕްލާންޓު ކަރަންޓު ގްރިޑާ އަލުން ގުޅައި، އެ ތަނަށް ކަރަންޓު ލިބެމުންދާ ކަމަށް އދ. ގެ ނިޔުކްލިއާ ހަކަތައާ ބެހޭ އެޖެންސީން ބުނެފި އެވެ.
ނިޔުކްލިއާ ޕްލާންޓުން ކަރަންޓު ކެނޑުނީ އެ ސަރަހަައްދުގައި ދިން ހަމަލާތަކާ ގުޅިގެން ކަރަންޓު ކޭބަލްތަކަށް ގެއްލުން ލިބުމުންނެވެ. އެއާ އެކު ޕްލާންޓުގެ ހަ ރިއެކްޓަރު ވެސް ބަންދުކުރި އެވެ.
މިހާރު އެ ޕްލާންޓް އޮޕަަރޭޓް ކުރުން ހުއްޓާލާފައިވާ އިރު، ރިއެކްޓަރުތައް ފިނިކުރަން ޕްލާންޓަަށް ކަރަންޓު ބޭނުންވެ އެވެ.
އިންޓަނޭޝަަނަލް އެޓޮމިކް އެނާޖީ އެޖެންސީ (އައިއޭއީއޭ) އިން ބުނީ ޕްލާންޓުގެ ހާލަތު ރަނގަޅުވަަމުން ދިޔަ ނަމަވެސް އަަދިވެސް ހާދިސާއެއް ހިނގުމުގެ ނުރައްކާ އެބަ އޮތް ކަމަށެވެ.
ޔޫރަޕްގެ އެންމެ ބޮޑު ނިޔުކްލިއާ ޕްލާންޓް މިދިޔަ މާޗް މަހުން ފެށިގެން ކޮންޓްރޯލް ކުރަނީ ރަޝިއާއިންނެވެ. އެ ޕްލާންޓަށް އަމާޒުކޮށް ހަމަލާދޭތީ ރޭޑިއޭޝަން ލީކުވުމުގެ ފުރުސަތު އެބަ އޮތެވެ.
އެ ޕްލާންޓަށް ހަމަލާދޭ މައްސަލަަ ބޮޑުވެފައިވާ އިރު، ރަޝިއާ އާއި ޔޫކްރެއިނުން އެކަމުގެ ތުހުމަތު ކުރަނީ އެއް ގައުމު އަނެއް ގަައުމަށެވެ.
