މީގެ ހަފުތާއެއް ކުރިން އަަވަހާރަަވި އިނގިރޭސިވިލާތުގެ ރާނީ އެލިޒަބަތު ދެ ވަނައިގެ ޖަނާޒާއާ ދިމާކޮށް ސެޕްޓެމްބަރު 19 ވަނަ ދުވަހު ހީތްރޯ އެއާޕޯޓުގެ ޝެޑިއުލްގެ 15 ޕަސެންޓަށް ބަދަލު ގެނެސްފި އެވެ.
އެއާޕޯޓުން ބުނީ އެ ބަަދަލު ގެނައީ ޖަނާޒާގެ ކަންކަން ކުރިއަށްދާ އިރު، ލަންޑަަންގެ މަތިން ވައިގެ ސަރަހައްދުން ވީހާވެސް އަޑު މަޑު ކުރުމަށް ކަމަށެވެ.
އެހެން ކަމުން ގިނަ އަދަދެއްގެ ފްލައިޓްތައް ކެންސަލް ވާނެ އެވެ. އޭގެ ތެރޭގައި ބްރިޓިޝް އެއާވޭޒް 100 ފްލައިޓާއި ވާޖިން އެޓްލާންޓިކްގެ ހަތަރު ފްލައިޓް ހިމެނެ އެވެ.
ހީތްރޯ އެއާޕޯޓުން ބުނީ ސެޕްޓެމްބަރު 19 ވަނަ ދުވަހު ޖަނާޒާ ނިންމުމުގެ ގޮތުން އޮންނަ ހަމަހިމޭންކަމުގެ ސުކޫތު ފެށުމުގެ 15 މިނެޓް ކުރިން އަދި ސުކޫތު ނިމޭތާ 15 މިނެޓް ފަހުން ފްލައިޓްތައް ފުރުމާއި ޖެއްސުން މަނާ ވާނެ ކަމަަށެވެ.
އޭގެ އިތުރުން ވެސް ބައެއް ގަޑިތަކުގައި ފްލައިޓް ޖެއްސުމާއި ފުރުން މަނާ ވާނެ އެވެ. އަދި ވީހާވެސް އަަޑު މަޑު ކުރުމުގެ ގޮތުން ވިންޑްސާ ކާސްލް ވަށައިގެން ފްލައިޓްތައް ޑައިވާޓް ކުރަމުން ދާނެ އެވެ.
