ޔޫކްރެއިންގެ ދެކުނުގައި އޮންނަ ކްރީވީ ރީހް ސިޓީގެ ކޯރެއްގެ ޑޭމަށް ރަޝިއާއިން ހަމަލާ ދިނުމުން ގެތަކަށް ފެން ވަދެއްޖެ އެވެ.
އެ ސިޓީގެ ވެރިޔާ އޮލެކްސެންޑަަރު ވިލްކުލް ވިދާޅުވީ ބައެއް ހިސާބުތަކުން އާއްމުން އިވެކުއޭޓް ކުރި ކަމަށާއި ހާލަތު ކޮންޓްރޯލް ކުރެވިފައިވާ ކަމަށެވެ.
ޔޫކްރެއިނުން ބުނީ އެއީ ހަނގުރާމައިގައި އެ ގައުމުން ކުރި ހޯދަމުން ދާތީ ބަދަލު ހިފުމުގެ ގޮތުން ރަޝިއާއިން ދިން ހަމަލާއެއް ކަމަށެވެ.
ކްރީވީ ރީހް ސިޓީއަަކީ ރައީސް ވޮލޮޑިމިރް ޒެލެންސްކީގެ އުފަަން ސިޓީ އެވެ. ހަމަަލާއަށް ފަަހު ޒެލެންސްކީ ވިދާޅުވީ ރަޝިއާއަކީ ޓެރަރިސްޓް ދަައުލަތެއް ކަމަށެވެ.
ހަމަލާ ދިނީ ކަރަޗުނިވްސްކޭ ކޯރުގެ ޑޭމަށެވެ. ޑޭމް ފަޅައިގެން ގޮސް ފެންގަނޑު ފެތުރެން ފެށުމުން، އިންހިޔުލެޓްސް ކޯރަށް ފެންގަަނޑު ގެންދަަން އިތުރު ދެ ގޮވުމެއް ޔޫކްރެއިނުން ގޮއްވި އެވެ.
ހަނގުރާމައިގެ ކުރިން 600،000 މީހުން އާބާާދީއެއް އޮތް ކްރީވީ ރީހްގެ ފެނުގެ ސަޕްލައިއަށް މިހާާރު ވަނީ އަސަރުކޮށްފަ އެވެ.
