މި މަހުގެ ތެރޭގައި ޔޫކްރެއިންގެ ސިފައިން 6،000 އަކަ ކިލޯމީޓަރުގެ ބިން އަނބުރާ ހޯދާފައިވާ ކަމަށް އެ ގައުމުގެ ރައީސް ވޮލޮޑިމިރް ޒެލެންސްކީ ވިދާޅުވެއްޖެ އެވެ.
ޔޫކްރެއިން އިރުއުތުރު ހާރްކީވް ސަރަހައްދުން މުހިއްމު ސިޓީތަކުގެ ކޮންޓްރޯލް ގެއްލިފައިވާ ކަމަށް ރަޝިއާއިން ވެސް ބުނެ އެވެ. އެކަމަކު ރަަޝިއާއިން ބުނީ ސިފައިން ފޭބީ "ރީގްރޫޕް" ކުރުމަށް ކަމަށެވެ.
ރަޝިއާ ސިފައިންގެ މިހާރުގެ ލަނޑުދަނޑިއަކީ އިރުމަަތީ ޔޫކްރެއިން ލުހާންސް އަދި ޑޮނެސްކްގެ ފުރިހަމަ ކޮންޓްރޯލް ކަމަށް އެ ގައުމުގެ ޑިފެންސް މިނިސްޓްރީން ބުނެފައިވެ އެވެ.
އެމެރިކާގެ ސެކެޓްރީ އޮފް ސްޓޭޓް އެންޓޮނީ ބްލިންކެން ވިދާޅުވީ ބޮޑު ސަރަހައްދެއްގެ ކޮންޓްރޯލް ޔޫކްރެއިނަށް އަނބުރާ ލިބުނު ނަމަވެސް، ހަނގުރާމައިގެ މިސްރާބާ މެދު ގޮތެއް ނިންމަން ނޭނގޭ ކަމަށެވެ.
ރަޝިއާގެ ރައީސް ލެޑިމިއަ ޕުޓިންގެ އެންގެވުމަށް އެ ގައުމުގެ ސިފައިން ޔޫކްރެއިނަށް އެރީ ފެބްރުއަރީގަ އެވެ. މިހާރު ޔޫކްރެއިންގެ ފަސްބައި ކޮށްފައި އެއްބައި ކޮންޓްރޯލް ކުރަނީ ރަޝިއާއިންނެވެ.
