މި އަހަރު އެންމެ ހަލުވިކޮށް ކުރިއަރަމުންދާ ބޮޑު އިގްތިސާދަކީ އިންޑިއާގެ އިގްތިސާދު ކަމަށް އެ ގައުމުގެ އެކްސްޓާނަލް އެފެއާޒް މިނިސްޓަރު ސުބްރަމާނިޔަމް ޖޭޝަންކަރް ވިދާޅުވެއްޖެ އެވެ.
ހޮނިހިރު ދުވަހު ފެއްޓެވި ސައުދީ އަރަބިއްޔާގެ ތިން ދުވަހުގެ ދަތުރުގައި ޖޭޝަންކަރް ވިދާޅުވީ މި އަހަރު އިންޑިއާގެ އިގްތިސާދު ހަތް ޕަސެންޓުގެ ކުރިއެރުމެއް ހޯދާނެ ކަމަށެވެ.
އެކްސްޓާނަަލް އެފެއާޒް މިނިސްޓަރުގެ ހައިސިއްޔަތުން ޖޭޝަންކަރް ސައުދީ އަރަބިއްޔާއަށް ކުރައްވާ ފުރަތަމަ ދަަތުރުގެ މަގްސަދަކީ ދެ ގައުމުގެ ގުޅުން އިތުރަށް ވަރުގަދަ ކުރެވޭނެ ގޮތްތައް ހޯދުމެވެ.
ސައުދީގައި އުޅޭ އިންޑިއާ ރައްޔިތުންނާ ބައްދަލުކޮށް، އޭނާ ވިދާޅުވީ އާމްދަނީ މަތި ގައުމަކަށް ބަދަލުވުމަކީ އިންޑިއާގެ އަމާޒު ކަމަށާއި އެކި ސިނާއަތްތައް ހަަރުދަނާކޮށް ބަަދަލުކުރެވޭނެ ގޮތްތައް ހޯދަަމުންދާ ކަމަަށެވެ.
އިންޑިއާގެ ތާރީހުގައި ރެކޯޑް މިންވަރަށް މިދިޔަ އަހަރު ތަކެތި އެކްސްޕޯޓް ކުރި ކަމަށާއި ޖުމްލަ އެކްސްޕޯޓްގެ އަގު 670 ބިލިއަން އެމެރިކާ ޑޮލަރަަށް އަރާ ކަމަށް އޭނާ ފާހަގަކުރެއްވި އެވެ.
ޔޫކްރެއިން ހަނގުރާމައާ އެކު ކާބޯތަކެތީގެ އަގު އުފުލި، ތެލާއި މުދާ އުފުލުމުގެ އަގު ބޮޑުވި ނަމަވެސް، އިންޑިއާގެ އިގްތިސާދު މި އަހަރު ހަތް ޕަަސެންޓުގެ ކުރިއެރުމެއް ހޯދާނެ ކަމުގެ ޔަގީންކަން ޖޭޝަންކަރް ދެއްވި އެވެ.
ޖޭޝަަންކަރް ވިދާޅުވީ ފަހަކަށް އައިސް އިންޑިއާ އާއި ސައުދީގެ ގުޅުން ވަރުގަދަވަމުންދާ ކަމަަށާއި ވަކިން ހާއްސަކޮށް ކޮވިޑް ބަލިމަޑުކަމުގެ ތެރޭގައި ގުޅުމަށް ކުރިއެރުންތަކެއް ލިބުނު ކަމަށެވެ.
