ރައްކާތެރިކަމުގެ ފިޔަވަޅެއްގެ ގޮތުން ޒަޕޮރިއްޒިޒިއާ ނިޔުކްލިއާ ޕްލާންޓް ހިންގުން މެދުކަނޑާލާފައިވާ ކަމަށް ޔޫކްރެއިންގެ އެނާޖޯއެޓޮމް ކުންފުނިން ބުނެފި އެވެ.
ކުންފުނިން ނެރުނު ބަޔާނުގައި ބުނީ އެ ޕްލާންޓް ކަރަންޓު ގްރިޑާ މުޅިން ވަކިކޮށްފައިވާ ކަމަށާއި ޕްލާންޓް "ފިނި ކުރުމުގެ" މަސައްކަތް ކުރަމުންދާ ކަމަށެވެ.
މިދިޔަ ބުދަ ދުވަހު ޔޫކްރެއިން ސަރުކާރުން ވަނީ ނިޔުކްލިއާ ޕްލާންޓް ކައިރީގައި ދިރިއުޅޭ މީހުން ރައްކާތެރި ހިސާބުތަކަށް ބަދަލުވުމަަށް އަންގާފަ އެވެ.
ޔޫރަޕްގެ އެންމެ ބޮޑު ނިޔުކްލިއާ ޕްލާންޓް މިދިޔަ މާޗް މަހުން ފެށިގެން ކޮންޓްރޯލް ކުރަނީ ރަޝިއާއިންނެވެ. އެ ޕްލާންޓަށް އަމާޒުކޮށް ހަމަލާދޭތީ ރޭޑިއޭޝަން ލީކުވުމުގެ ފުރުސަތު އެބަ އޮތެވެ.
އެ ޕްލާންޓަށް ހަމަލާދޭ މައްސަލަަ ބޮޑުވެފައިވާ އިރު، ރަޝިއާ އާއި ޔޫކްރެއިނުން އެކަމުގެ ތުހުމަތު ކުރަނީ އެއް ގައުމު އަނެއް ގަައުމަށެވެ.
