ސްރީލަންކާގައި ހިންގާ އިންޑިއާގެ ތަރައްގީގެ މަޝްރޫއުތަކަށް ހުރި ހުރަސްތައް ނައްތާލަން ރައީސް ރަނިލް ވިކްރަމަސިންހަ އަންގަވައިފި އެވެ.
އިންޑިއާގެ އިންވެސްޓްމަންޓުގެ ގޮތުގައި ލަންކާގައި ކުރިއަަށްދާ މަޝްރޫއުތަކާ ގުޅޭ ގޮތުން ރަނިލް އާއި އެހެން އޮފިޝަލުންގެ ބައްދަލުވުމެއް ހުކުރު ދުވަހު އޮތެވެ. އިންޑިއާއިން ލަންކާއަށް ކަނޑައަޅާފައި ހުންނަ ޑެޕިއުޓީ ހައި ކޮމިޝަނަރު ވެސް ބައްދަލުވުމުގައި ބައިވެރިވެވަޑައިގެންނެވި އެވެ.
ސަރުކާރުގެ މިނިސްޓްރީތަކާއި އޮފިޝަލުންނަށް ރަނިލް އެންގެވީ މަޝްރޫއުތައް ކުރިއަށް ދިޔުމުގައި ހުރި ހުރަސްތައް ނައްތާލުމަށެވެ.
އެގޮތުން ކުރީގެ ސަރުކާާރުތަކުން ނެރިފައިވާ ބައެއް ސާކިއުލާތަކުގައި މަޝްރޫއުތަކަށް ހުރަސް އެޅޭ ކަންކަން ހުރި ކަމަށް ފާހަގަކުރައްވައި، އެ ކަންކަން ރަނގަޅު ކުރުމަށް އެންގެވި އެވެ.
ސްރީލަންކާއަށް ކުރިމަތިވެފަައިވާ އިގްތިސާދީ ކާރިސާއާ ގުޅިގެން މި އަހަރު އެކަނިވެސް އިންޑިއާއިން ވަނީ ލޯނާއި، ކްރެޑިޓް ފެސިލިޓީ އަދި އެހީގެ ގޮތުގައި އެތައް ބިލިއަން ޑޮލަރެއް ފޯރުކޮށްދީފަ އެވެ.
