އިނގިރޭސި ތަހުތުގައި 70 އަހަރު ހޭދަކުރެއްވި ރާނީ އެލިޒަބަތު ދެ ވަނަ ބުރާސްފަަތި ދުވަހުގެ ރޭ އަަވަހާރަވުމާ އެކު ދޮށީ ދަރިކަލުން ޗާލްސް ރަސްކަމަށް ވަޑައިގެންފި އެވެ.
އިނގިރޭސި ޝާހީ އާއިލާގެ ރަސްމީ ޓްވިޓާ އެކައުންޓުން އާއްމު ކުރި ރަސްގެފާނު ޗާލްސްގެ ހާއްސަ ބަޔާނެއްގައި ވިދާޅުވީ މަންމާފުޅު އަަވަހާރަވުމުން އެމަނިކުފާަނާއި މުޅި އާއިލާއަށް ވެސް ފުން ހިތާމައެއް ލިބިފައިވާ ކަމަށެވެ.
"އެކަމަނާ ނެތިގެން ދިޔުމުގެ އަސަރު މުޅި ގައުމާއި ކޮމަންވެލްތަށް ވެސް ކުރާނެކަން ޔަގީން. އަދި އޭގެ އަސަރު ދުނިޔޭގެ އެތަން މިތަނުގައި ދިރިއުޅޭ ގިނަ ބަޔަކަށް ކުރާނެ،" ރަސްގެފާނު ވިދާޅުވި އެވެ.
Advertisement
އިނގިރޭސި ރަސްކަމަށް ވަޑައިގެންނެވި ޗާލްސްގެ އުމުރުފުޅުން 73 އަހަރެވެ. މިހާރު އިނގިރޭސިވިލާތުގެ އާ ވަލީ އަހުދަކީ އެމަނިކުފާނުގެ ދޮށީ ދަރިކަލުން، އުމުރުން 40 އަހަރުގެ ވިލިއަމް އެވެ.
