ރަޝިއާގެ ގޭސް ވިއްކޭނެ އެންމެ މަތީ އަގެއް ކަނޑައެޅުމަކީ މޮޔަ ހިޔާލެއްގެ ގޮތުގައި އެ ގައުމުގެ ރައީސް ލެޑިމިއަ ޕުޓިން ސިފަކުރެއްވިތާ ގަޑިއިރުތަކެއް ފަހުން، ގޭހުގެ އަގު ހިފަހައްޓަން "ޕްރައިޒް ކެޕެއް" ތައާރަފް ކުރަން ޔޫރަޕިއަން ޔޫނިއަން (އީޔޫ) ގެ ހިންގާ ކޮމިޓީން ހުށަހަޅައިފި އެވެ.
މިދިޔަ ފެބްރުއަރީ މަހު ރަޝިއާއިން ޔޫކްރެއިންގައި ހަނގުރާމަ ފެށުމުން ތެލާއި ގޭހުގެ އަގު ވަނީ އުފުލިފަ އެވެ. އެހެންވެ، އަގުތަކުގެ މައްސަލައިގައި 27 ގައުމު ހިމެނޭ އީޔޫއިން ފިޔަވަޅު އަޅަން ބޭނުންވެ އެވެ.
"މި އަނިޔާވެރި ހަނގުރާމައަށް ޕުޓިން ބޭނުން ކުރައްވާ ފައިސާ ރަޝިއާއަށް ލިބުން މަދު ކުރަން ޖެހޭ،" ޔޫރަަޕިއަން ކޮމިޝަންގެ ޗީފް އުރްސުލާ ވޮން ޑެ ލެޔެން ވިދާޅުވި އެވެ.
ޕުޓިން ވިދާޅުވީ ގޭހުގެ އަގާ ގުޅިގެން އީޔޫއީން އަޅާ ފިޔަވަޅަށް ރައްދު ދިނުމުގެ ގޮތުން ސަޕްލައި އެއްކޮށް މެދުކަނޑާލާނެ ކަމަށެވެ.
"އަޅުގަނޑުމެން އެކައްޗެއް ވެސް ސަޕްލަައި ނުކުރާނަން. ގޭހާއި ތެލާއި ބޯޓު ދެއްޔާއި ހޫނުކުރަަން ބޭނުން ތެލެއް ވެސް ނުލިބޭނެ،" ޕުޓިން ވިދާޅުވި އެވެ.
ރަޝިއާގެ ވިޔަފާރިތަކާއި ވަކިވަކި ފަރުދުންނާ ދެކޮޅަށް ހުޅަނގުން އަޅާފަައިވާ ދަތިކުރުމުގެ ފިޔަވަޅުތަަކާ ގުޅިގެން ގޭހުގެ އެކްސްޕޯޓް "ހަތިޔާރަކަށް" ހަދާފައިވާ ކަމަށް ޔޫރަޕްގެ ވެރިން ރަޝިއާއަށް ތުހުމަތު ކުރެ އެވެ.
ރަޝިއާއިން އެ ތުހުމަތު ދޮގުކުރެ އެވެ. އެހެން ނަމަަވެސް، ޔޫރަޕަށް ގޭސް ފޯރުކޮށްދޭން ރަޝިއާއިން ޖަރުމަނަށް ގާއިމްކޮށްފައިވާ ނޯޑް ސްޓްރީމް 1 ހޮޅި މިހާރު ވަނީ މުއްދަތެއް ނެތް ގޮތަށް ބަންދުކޮށްފަ އެވެ. އެކަން ކުރީ ދަތިކުރުމުގެ ފިޔަަވަޅުތަކާ ހެދި ކަމަށް ރަޝިއާއިން ބުނެ އެވެ.
މިދިޔަ ހަފްތާގައި ޖީ7 ގައުމުތަކުން ވަނީ ރަޝިއާގެ ތެޔޮ ވިއްކޭނެ އެންމެ މަތީ އަގެއް އިއުލާންކޮށްފަ އެވެ. އޭގެ ސަބަަބުން ހުޅަަނގުގެ ގައުމުތަކުން އިންފްލޭޝަން ތިރިވެ، ޔޫކްރެއިން ހަނގުރާމައަށް ހޭދަކުރަން ރަޝިއާއަށް ލިބޭ ފައިސާ މަދު ވާނެ އެވެ.
ފިންލޭންޑްގެ ދިރާސާ ކުރާ ފަރާތްތަކުން ދާދި ފަހުން ބުނީ ޔޫކްރެއިން ހަނގުރާމަ ފެށިތާ ހޭދަވި ހަ މަހުގެ ތެރޭގައި ތެލާއި ގޭހުގެ އަގު އުފުލުމުން ރަޝިއާއަށް 158 ބިލިއަން ޔޫރޯ ލިބިފައިވ ކަމަށެވެ
