ރަޝިއާއިން ބޭނުން ވަނީ ޔޫރަޕް ރައްޔިތުންގެ އާއްމު ދިރިއުޅުމަށް ހުރަސް އަޅަން ކަމަށް ޔޫކްރެއިންގެ ރައީސް ވޮލޮޑިމިރް ޒެލެންސްކީ ވިދާޅުވެއްޖެ އެވެ.
"މިސައިލްތަކުން ހަމަލާދެވެން ނެތް ތަންތަނަށް، ފަގީރުކަމާއި ސިޔާސީ ހަމަނުޖެހުން ގެންނަން ދަނީ މަސައްކަތް ކުރަމުން،" ޒެލެންސްކީ ވިދާޅުވި އެވެ.
ޒެލެންސްކީ އެހެން ވިދާޅުވެފައިވާ އިރު، ޔޫރަޕަށް ގޭސް ފޮނުވާ މައި ހޮޅި ކުރިން ރޭވި ގޮތަށް ނުހުޅުވާނެ ކަމަށް ރަޝިއާއިން ދާދި ފަހުން ބުނެފައިވެ އެވެ.
ޔޫރަޕް ގައުމުތަކުން ތުހުމަތު ކުރަނީ ރަޝިއާގެ ގޭސް ސަޕްލައި ބޭނުންކޮށްގެން އެ ގައުމުތައް ބްލެކްމެއިލް ކުރަން މަސައްކަތް ކުރަމުންދާ ކަމަށެވެ. ރަޝިއާއިން އެ ތުހުމަތު ދޮގުކުރެ އެވެ.
ފެބްރުއަރީ 24 ވަނަ ދުވަހު ރަޝިއާއިން ޔޫކްރެއިންގައި ހަނގުރާމަ ފެށުމުން ހަކަތައިގެ އަގު އުފުލިފައިވާ އިރު، ސަޕްލައިގެ ދަތިކަން ކުރިމަތިވާ ނަމަ އިތުރަށް އަގު އުފުލޭނެ އެވެ.
