އިނގިރޭސި ސިފައިންނާއި ސްވިޑަން އަދި ފިންލޭންޑް ފައުޖު ގުޅިގެން ތަމްރީނެއް ފަށައިފި އެވެ.
"އެކްސަސައިޒް ވިޖިލަންޓް ނައިފް" ތަމްރީނުން ތިން ގައުމުގެ ސިފައިންނަށް ވެސް ފައިދާ ވާނެ ކަމަށް އިނގިރޭސި ޑިފެންސް މިނިސްޓްރީން ބުންޏެވެ.
ތަމްރީންގެ ބައެއް ބައިތައް ކުރިއަށް ދިޔައީ މިދިޔަ ހުކުރު ދުވަހުން ހޯމަ ދުވަހަށް އުތުރު ފިންލޭންޑްގަ އެވެ.
މި އަހަރުގެ ކުރީކޮޅު ބޮޑު ވަޒީރު ބޮރިސް ޖޯންސަން ވަނީ ސްވިޑަން އަދި ފިންލޭންޑްއާ އެކު ސެކިއުރިޓީ އެއްބަސްވުމެއްގައި ސޮއިކޮށްފަަ އެވެ.
އިނގިރޭސި ޑިފެންސް ސެކެޓްރީ ބެން ވޮލެސް ވިދާޅުވީ ސްވިޑަން އާއި ފިންލޭންޑް ނޭޓޯއާ ގުޅުމަށް ކުރާ މަސައްކަތަށް އެއްބާރުލުން ދެއްވާނެ ކަމަށެވެ.
"ޔޫރަޕްގައި ހަނގުރާމަ ކުރިއަށްދާ މި ދަނޑިވަޅުގައި ބައިނަލްއަގްވާމީ ގުޅުންތައް ވަރުގަދަ ކުރުން ވަރަށް މުހިއްމު،" އޭނާ ވިދާޅުވި އެވެ.
