ސައުދީ އަރަބިއްޔާއަށް އެތެރެކުރި ފުށް ޝިޕްމަންޓެއްގެ ތެރޭގައި ފޮރުވާފައި ހުރި 46 މިލިއަން އެމްފެޓަަމައިން ގުޅަ އަަތުލައިގެންފި އެވެ.
މީގެ ކުރިން މިހާ ގިނަ އަދަދެއްގެ މަނާ ބޭސް ސަައުދީ އަރަބިއްޔާއިން އަތުލައިގެންފައެއް ނުވެ އެވެ. އެ ޝިޕްމަންޓް އެތެރެވީ ރިޔާދްގެ ޑްރައި ޕޯޓުންނެވެ.
އެ ތަަނުން އެތެރެ ކުރި ޝިޕްމަންޓް ގުދަނަކަށް ގެންދިޔުމުން، ޓްރެކްކޮށް ބަޔަކު ހައްޔަރުކޮށްފައިވާ ކަމަށް ޖެނެރަލް ޑައިރެކްޓަރޭޓް އޮފް ނާކޮޓިކްސް ކޮންޓްރޯލުން ބުންޏެވެ.
ގުދަނުގައި ހިންގި އޮޕަރޭޝަނުން ހައްޔަރު ކުރީ ސީރިއާގެ ހަ މީހުންނާއި ޕާކިސްތާން ދެ މީހުންނެވެ.
އަތުލައިގަަތީ ކޮން ބާވަތެއްގެ މަނާ ބޭސްކަމެއް އިދާރާތަކުން ރަސްމީކޮށް ހާމައެއް ނުކުރެ އެވެ. އެކަމަކު އެމްފެޓަމައިން ގުޅައަށް އެންމެ ބޮޑު މާކެޓެއް އޮންނަނީ ސައުދީ އަރަބިއްޔާގަ އެވެ.
ކެޕްޓެގަންގެ ނަމުގައި ވިއްކާ މަނާ ބޭސް ނުވަތަ މަސްތުވާތަކެތީގެ ވިޔަފާރީގެ އަގު 5.7 ބިލިއަން ޑޮލަރަށް އަރަ އެވެ. މަސްތުވުމަށް ކެޕްޓެގަން އެންމެ ގިނައިން ބޭނުން ކުރަނީ މެދުއިރުމަތީގަ އެވެ.
